رەسەي الەپپودا حيميالىق قارۋ قولدانىلعانىن حابارلادى
رەسەي بيلىگىنىڭ حابارلاۋىنشا، سيريالىق الەپپو قالاسىندا 2 تامىزدا وپپوزيتسيا كۇشتەرى باقىلايتىن اۋدان جاقتان ۋلاعىش زاتتارمەن شابۋىل جاسالعان. سونىڭ ناتيجەسىندە 7 ادام قازا بولىپ، تىنىس جولدارى كۇيگەن نەمەسە تۇنشىققان تاعى 23 ادام اۋرۋحاناعا جەتكىزىلدى.
سيريادا جانجالداسۋشى تاراپتاردى تاتۋلاستىرۋ رەسەيلىك ورتالىعىنىڭ باسشىسى سەرگەي چۆاركوۆتىڭ ايتۋىنشا، امەريكالىقتار بۇل تۋرالى حاباردار ەتىلدى.
سەيسەنبى كۇنى سيريالىق ۇكىمەتتىڭ سانا اگەنتتىگى الەپپوداعى تۇرعىن اۋداندارداعى بوسقىنداردى گاز بويتۇمسىقتارى بار زىمىراندارمەن اتقىلاعانىن حابارلادى. ال سيريالىق وپوزيتسيا حيميالىق شابۋىلدى پرەزيدەنت باشار اساد جۇيەسى جاسادى دەپ وتىر.
سول كۇنى اقش مەملەكەتتىك دەپارتامەنتىنىڭ وكىلى دجون كيربي ۆاشينگتوننىڭ سيريالىق ساراكەب قالاسىندا ۋلى گاز كونتەينەرلەرىنىڭ تاستالعانى تۋرالى ماسەلەنى زەرتتەيتىنىن ايتقان ەدى. بۇل اقپاراتتى "سيريالىق ازاماتتىق قورعانىس" ۆولونتەرلەر توبى جەتكىزگەن. ولار شابۋىلدان 33 بەيبىت تۇرعىن زارداپ شەككەنىن ايتتى. بۇل وقيعا 1 تامىزدا رەسەيلىك تىكۇشاق قۇلاعان اۋداندا بولدى.
اباي-اقپارات
