اقش ورتالىق ازيا ەلدەرىمەن ارىپتەستىگىن ارتتىرادى
اقش مەملەكەتتىك حاتشىسى دجون كەرري سارسەنبى كۇنى ۆاشينگتوندا ورتالىق ازيانىڭ بەس مەملەكەتىنىڭ سىرتقى ىستەر مينيسترلەرىمەن كەزدەسۋدە تەرروريزممەن كۇرەس جانە ەكونوميكالىق دامۋدى جانداندىرۋ باعىتىندا ارىپتەستىكتى ارتتىرۋعا شاقىردى.
كەرري قۇراما شتاتتاردىڭ ورتالىق ازيادا بىرقاتار جوباسىن جۇزەگە اسىرىپ قانا قويماي، ولاردى اياعىنا دەيىن جەتكىزەتىنىن مالىمدەدى.
مەملەكەتتىك حاتشى اقش ۇكىمەتىنىڭ تەرروريزممەن كۇرەس، ساۋدا جانە كولىك سالالارىنداعى ايماقتىق ارىپتەستىكتى نىعايتۋعا كۇش سالاتىنىن، ورتالىق ازياداعى ەكولوگيالىق تازا ەنەرگەتيكالىق جوبالاردى قولداۋ ءۇشىن 15 ميلليون دوللار بولگەنىن ايتتى.
بۇعان قوسا كەرري قۇراما شتاتتاردىڭ "ورتالىق ازياداعى ءاربىر مەملەكەتتىڭ ەگەمەندىگىن، تەرريتوريالىق تۇتاستىعىن جانە تاۋەلسىزدىگىن قولدايتىندىعىن جەتكىزدى. سونىمەن بىرگە مەملەكەتتىك حاتشى اقش-تى بارلىق بەس مەملەكەتتەگى ادام قۇقىعى سالاسىنداعى ماسەلەلەر الاڭداتاتىنىنا توقتالىپ ءوتتى.
اباي-اقپارات
