«جالعىزدىڭ ءۇنى شىقپاس» دەگەندەي جەكە-دارا جۇمىس ىستەۋ قيىن، وتكىزۋ نارىعى  دەگەن  ۇلكەن ماسەلە، ويتكەنى قىمىز وندىرۋشىلەر سانى جىلدان-جىلعا ءوسىپ كەلەدى. سوندىقتان،  قىمىز وندىرىسىمەن اينالىساتىن اگروونەركاسىپ كەشەنى سۋبەكتىلەرىنە ارنالعان «قىمىز ءوندىرىسى تەحنولوگياسى»  سەمينارى بارىسىندا قىمىز وندىرۋشىلەر وسىنداي  شەشىم قابىلدادى

شارا «زاڭ» شارۋا قوجالىعى بازاسىندا ءوتتى. وعان قىمىز وندىرىسىمەن شۇعىلداناتىن اگروفيرمالاردىڭ 27 باسشىسى قاتىستى. قىمىز ءوندىرىسىنىڭ بۇگە-شىگەسى جايلى، بۇل سالانىڭ تەحنولوگيالىق جاڭالىقتارى، شىعىنداردى ازايتۋ جانە تاعى باسقا تۋرالى ارنايى شاقىرىلعان ساراپشى، اۋىل شارۋاشىلىعى عىلىمدارىنىڭ كانديداتى داۋرەن سىدىقوۆ اڭگىمەلەدى.

«قىمىز ءوندىرىسىنىڭ تەحنولوگياسىن «زاڭ» شق تسەحىندا وقىپ-ۇيرەنۋ  ۇيعارىمى  كەزدەيسوق تاڭدالعان جوق، بۇعان دۇيسەنبەك يبيناليەۆتىڭ قىمىز دايىنداۋ جەلىسىن تولىعىمەن اۆتوماتتاندىرۋى سەبەپ بولدى.  تاۋلىگىنە ورتاشا العاندا 40 بيە ساۋامىز، وسى  تسەحتا قىمىز دايىندالادى. بارىمىزگە بەلگىلى، قىمىزدى ساقتاۋ مەرزىمى 72 ساعاتپەن شەكتەلگەن، ال بۇل تسەحتا ول ەكى ايعا دەيىن ساقتالادى، باسقالاردان ايىرماشىلىعى دا وسىندا. ناتيجەسىندە ءوندىرۋشى كوپ پايدا الادى.  مىسالى، ماۋسىمىنا 20 بيە ساۋاتىن شارۋا قوجالىقتارى 2,5-3 ميلليون تەڭگە تابىس تابادى. ال مۇنداعى تابىس 6-7 ميلليونعا جەتەدى.  سونىمەن قاتار مۇندا قىمىزدىڭ بىرنەشە ءتۇرىن وندىرۋگە بولادى، «زاڭ» شق ءۇش ءتۇرلى قىمىز شىعارادى.  بۇل شارۋاشىلىق – وبلىسىمىزداعى تىركەلگەن جانە ليتسەنزيالانعان جالعىز شارۋا قوجالىعى. ء  وز تاۋارىن كەدەندىك وداقتىڭ باسقا ەلدەرىنە ەكسپورتتاي الادى»،– دەيدى داۋرەن سىدىقوۆ.

قاتىسۋشىلاردىڭ ءبىرى ەرلان كەۋلىمجاەۆ استانا قالاسىنان ءوزىنىڭ بىلىكتىلىگىن ارتتىرۋ ءۇشىن كەلدى.  «شارۋالارعا ارنالعان مۇنداي سەمينارلار وتكىزۋدىڭ  ءمانى زور،– دەيدى ول. – ءبىز بۇگىن تاجىريبە الماستىق، ءدارىس جانە تاجىريبە ساباقتارى تاقىرىپتارى بويىنشا وي بولىستىك.  مەن استانادان كەلدىم، ويتكەنى بۇل بيزنەسپەن جۋىردا عانا شۇعىلدانا باستادىم. كوپتەگەن جاڭالىقتار مەن پايدالى نارسەلەردى ءبىلدىم.  سەمينارعا قاتىسۋشىلار  بۇل سالادا تاجىريبەلى ەكەن، ءبىزدىڭ قالادا، وبلىستا مۇنداي ماماندار تابۋ قيىن.  سوندىقتان ەش ويلانباستان، قاشىقتىققا قاراماستان، تارازعا كەلدىم.  سەمينارعا قاتىسۋشىلاردىڭ قىمىز وندىرۋشىلەر كووپەراتسياسىن قۇرۋ تۋرالى باستاماسىن قولدايمىن.   «جالعىزدىڭ ءۇنى شىقپاس» دەگەندەي جەكە-دارا جۇمىس ىستەۋ قيىن، ءوتىم نارىعى – ۇلكەن ماسەلە، ويتكەنى قىمىز وندىرۋشىلەر سانى جىلدان-جىلعا ءوسىپ كەلەدى».

Abai.kz