بۇۇ باس حاتشىسىنىڭ گۋمانيتارلىق مءاسەلەلەر جءونىندەگى ورىنباسارى يان ەگەلاندتىڭ حابارلاۋىنشا, گۋمانيتارلىق قىزمەتتەر سوڭعى ازىق-تءۇلىك قورىن ءۇلەستىرىپ جاتىر. بەيسەنبى كءۇءنى جەنەۆادا سءوز سءويلەگەن ەگەلاند جانجالداسۋشى تاراپتار "گۋمانيتارلىق ءۇءزىلىس" جاريالايدى دەپ ءۇمىتتەنەدى, ءايتپەسە قالادا اشتىق باستالۋى مءۇمكىن.

جاقىندا بۇۇ سيرياداعى جانجالداسۋشى تاراپتاردىڭ بارلىعىنا حالىققا گۋمانيتارلىق كومەك كورسەتۋدىڭ ءتورت كەزەڭدىك جوسپارىن جولدادى.

سيريا پرەزيدەنتى باشار اساد 8 قاراشادا سايلانعان اقش پرەزيدەنتى دونالد ترامپپەن ارىپتەس بولۋعا دايىن ەكەنىن مالىمدەدى. بريتاندىق Independent گازەتىنىڭ حابارلاۋىنشا، بۇل تۋرالى اسادتىڭ كومەكشىلەرىنىڭ ءبىرى بۋتاينا شاابان امەريكالىق ۇلتتىق قوعامدىق راديوعا بەرگەن سۇحباتىندا مالىمدەگەن.

سايلاۋ ناۋقانى كەزىندە ترامپ بيلىككە كەلە قالعان جاعدايدا، اقش-تىڭ وزگە ەلدەردەگى جانجالدارعا ارالاسۋ اۋقىمىن قىسقارتۋعا ۋادە بەرگەن ەدى. ول الەپپوداعى بۇلىكشىلەرگە قولداۋ كورسەتۋدەن باس تارتاتىنىن ايتتى. باشار اساد "ىڭعايسىز ارىپتەس" بولسا دا، ونىڭ جۇيەسىن كۇشەيتۋ ارقىلى ازاماتتىق سوعىس جاعدايىندا ەكسترەميزمنىڭ كۇشەيۋىنە توسقاۋىل قويۋعا بولادى، دەگەن ەدى ترامپ.

سيرياداعى شامامەن التى جىلعا سوزىلعان اسكەري جانجال كەزىندە 400 مىڭنان استام ادام قازا تاپتى.

Abai.kz