جاقىندا ەلوردادا  «بۇقارالىق اقپارات قۇرالدارى جانە ءتىل مادەنيەتى» رەسپۋبليكالىق سەمينار–ترەنينگى وتەدى. بۇل تۋرالى «Abai.kz» پورتالى حابارلايدى.

قازاقستان رەسپۋبليكاسى مادەنيەت جانە سپورت مينيسترلىگى
تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسىمەن
«ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمكق ۇستىمىزدەگى جىلعى 28 قازاندا قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنىڭ «مىرزاتاي جولداسبەكوۆتىڭ مەموريالدىق كىتاپ كوللەكتسياسى» زالىندا «بۇقارالىق اقپارات قۇرالدارى جانە ءتىل مادەنيەتى» تاقىرىبىندا رەسپۋبليكالىق سەمينار-ترەنينگ وتكىزۋدى جوسپارلاپ وتىر.

اتالعان شارانىڭ ماڭىزى مەن ماقساتى تۋرالى ۇيىمداستىرۋشىلار، «كەز كەلگەن ەلدىڭ ساياسي-ەكونوميكالىق، الەۋمەتتىك-مادەني دامۋىن ناسيحاتتاۋداعى بۇقارالىق اقپارات قۇرالدارىنىڭ ەرەكشە ورىن الاتىنى بەلگىلى. قازاق ءتىلىنىڭ مەملەكەتتىك ءتىل مارتەبەسىنە ساي قىزمەت ەتۋى مەن ونى دامىتۋدا دا باق ءرولى ايرىقشا» دەيدى.

حالىقتىڭ جىرى مەن سىرىن ۇنەمى جارىققا شىعارىپ، ۇزدىكسىز بايلانىس ورناتاتىن باق وكىلدەرى، ونىڭ ىشىندە تەلەارنا، راديوتىلشىلەرىمەن كەزدەسۋ ۇيىمداستىرىپ، ولاردىڭ سوزدىك قورىن، ءسوز ساپتاۋىن، ءتىل مادەنيەتىن جەتىلدىرۋگە ارنالادى.

سەمينار-ترەنينگتە كاسىبي ماماندار ءدارىس وقىپ، بۇقارالىق اقپارات قۇرالدارىندا مەملەكەتتىك تىلدە اقپارات تاراتۋ، سونىڭ ىشىندە ءتىل نورماسىنىڭ ساقتالۋى، سويلەۋ مادەنيەتى، تەرميندەردىڭ ءبىرىزدى قولدانىلۋى ماسەلەلەرى بويىنشا شەبەرلىك ساباقتارىن كورسەتەدى.

شاراعا ءتىل ءبىلىمى جانە جۋرناليستيكا سالاسىنىڭ عالىمدارى، بۇقارالىق اقپارات قۇرالدارىنداعى ءتىل سالاسىنا جاۋاپتى قۇرىلىمداردىڭ باسشىلارى مەن ماماندارى، تەلەارنا، راديوتىلشىلەرى قاتىسادى.

سونداي-اق، سەمينار-ترەنينگكە قاتىسقان تىلشىلەرگە سەرتيفيكات تابىستالادى.

Abai.kz