بۇگىن تولەبي اۋدانىنا قر پارلامەنتى سەناتىنىڭ دەپۋتاتى، رەسپۋبليكالىق جەر رەفورماسى جونىندەگى كوميسسيا مۇشەسى قۋانىش ايتاحانوۆ ارنايى ءىس-ساپارمەن كەلىپ، تۇرعىندارمەن، شارۋا قوجالىعىنىڭ وكىلدەرىمەن، اۋدان اكتيۆىمەن كەزدەستى. بۇل تۋرالى «اباي اقپارات» وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

اۋدان اكىمدىگىنىڭ كىشى ءماجىلىس زالىندا وتكەن جيىن بارىسىندا  قۋانىش ايتاحانوۆ جاڭادان سايلانعان اۋدان اكىمىن قۇتتىقتاپ جۇمىسىنا ساتتىلىك تىلەدى. ەلىمىزدەگى اۋىل شارۋاشىلىق سالاسىن دامىتۋعا باعىتتالعان مەملەكەتتىك باعدارلامالار، پارلامەنت سەناتىنىڭ بۇگىنگى تاڭدا اتقارعان جۇمىستارىمەن  حاباردار ەتتى.

كەزدەسۋ بارىسىندا حالىق قالاۋلىسى ەلىمىزدەگى جەر كودەكسىنە ەنگىزىلەتىن وزگەرتۋلەر مەن تولىقتىرۋلارعا بايلانىستى شارۋا قوجالىقتارىنىڭ ۇسىنىس پىكىرلەرىن تىڭداپ، ءوز ويىمەن ءبولىستى.

تولەبي اۋدانىندا وندىرىسىمەن قاتار ءتۋريزمدى دامىتۋعا زور مۇمكىندىك بار ەكەندىگىن تىلگە تيەك ەتىپ، وسى باعىتتاعى جۇمىستى جانداندىرۋ كەرەك دەدى قر پارلامەنتىن سەناتىنىڭ دەپۋتاتى قۋانىش ايتاحانوۆ.

جيىن سوڭىندا اۋدان اكىمى بۇحارباي پارمانوۆ اۋدان تۇرعىندارىنىڭ اتىنان سەناتورعا العىس ءبىلدىرىپ، الداعى جۇمىستارىنا ساتتىلىكتەر تىلەدى.

Abai.kz