«امانكەلدى» جشس كورپوراتسياسىنىڭ قۇرىلتايشىسى نۇرلان قۇرالوۆ ءجۇزىم شارۋاشىلىعىمەن جانە باعبانشىلىقپەن تابىستى اينالىسىپ كەلەدى. بيزنەسمەننىڭ يەلىگىندەگى جەردىڭ 160 گەكتارىن ءجۇزىم اعاشتارى الىپ جاتسا، 500 گەكتارىنا الما اعاشى ەگىلگەن. باقتا ولارمەن بىرگە المۇرت، قارا ورىك سياقتى باسقا دا جەمىستەر وسىرىلەدى.

ء«بىز قازىر الماتى قالاسىمەن وتە جاقسى جۇمىس ىستەۋدەمىز، ول جاققا جوعارى سۇرانىسقا يە «امان ەكوونىم» برەندىمەن ءونىم جەتكىزەمىز. استانانىڭ بازارلارىنا دا شىققىمىز كەلەدى. ەكى اپتا بۇرىن «اتامەكەن» ۇلتتىق كاسىپكەرلەر پالاتاسى قازاقستاندىق ونىدىرۋشىلەردىڭ ساۋدا جەلىلەرىنىڭ يەلەرىمەن كەزدەسۋىن وتكىزدى. سول جاقتا بايلانىستى جولعا قويا الدىق، ەندى بۇگىن ءونىمىمىزدىڭ العاشقى لەگى «كەڭمارت» گيپەرماركەتىنە جەتكىزىلدى. ودان كەيىنگى جوسپارىمىزدا «انۆار»، «Galmart» جانە «Smاll» ساۋدا جەلىلەرى»، – دەپ مالىمدەدى قۇرالوۆ.

كاسىپكەر ءار قازاقستاندىقتىڭ داستارحانىندا پايدالى تابيعي ونىمدەردىڭ – وتاندىق جەمىس-جيدەكتەردىڭ تۇرعانىن قالايدى. ء«بىز ونىمدەرىمىزدى بىردەن جەمىس القابىنان جەتكىزگىمىز كەلەدى. كەشە ءۇزىلىپ الىنعان جەمىستىڭ بۇگىن سورەلەردەن تابىلسا ەكەن دەيمىز. ءبىز دەلدالدارسىز جۇمىس ىستەگىمىز كەلەدى. قازىر العاشقى قادامدار جاسالدى. بۇرىن دەلدالدار ارقىلى جۇمىس ىستەۋگە تۋرا كەلەتىن. سوندىقتان ءبىزدىڭ ءونىمىمىز رەسەيگە كەتەتىن»، – دەيدى ول.

باعباننىڭ جەمىس القابىندا سوڭعى ۇلگىدەگى 2 مىڭ تونناعا شاقتالعان توڭازىتقىش بار. وندا گازدىق ورتا رەتتەلىپ، ۋلتراكۇلگىندى وڭدەۋدەن وتكىزىلەدى. «سوندىقتان ءبىز ساۋدا جەلىلەرىمەن ارىپتەستىك تۋرالى كەلىسىمگە كەلىپ، جەمىستەردى قىسى-جازى ءبىر باعادا جەتكىزە الامىز»، – دەپ مالىمدەدى قۇرالوۆ.

ايتا كەتەرلىگى، ەل نارىعىنداعى وتاندىق ونىمدەردىڭ ۇلەسىن ارتتىرۋ ءۇشىن 23 ماۋسىم كۇنى «اتامەكەن» قر ۇلتتىق كاسىپكەرلەر پالاتاسى بىرقاتار ءىرى ساۋدا-لوگيستيكالىق ورتالىقتارمەن مەموراندۋمعا قول قويعان ەدى. وسىلايشا، وتاندىق شاعىن جانە ورتا بيزنەستى قولداۋ سالاسىندا دۇكەندەرمەن ءوزارا پايدالى ارىپتەستىك قۇرۋعا قول جەتكىزىلدى.

Abai.kz