بۇل كۇندەرى وڭتۇستىك قازاقستان وبلىسى شارۋالارىنىڭ ونىمدەرى استانا تۇرعىندارىنىڭ سۇرانىسىنا يە بولعان.

«قازاقستاندا جاسالعان» اكتسياسىنىڭ شەڭبەرىندە وبلىستىق ونەركاسىپ وندىرۋشىلەردىڭ كورمەسى مەن اۋىل شارۋاشىلىعى ونىمدەرىنىڭ جارمەڭكەسى ءجيى ۇيىمداستىرىلىپ تۇرادى.

وندا 300 توننادان استام اۋىل شارۋاشىلىعى ونىمدەرى نارىقتاعى باعادان 15-20 پايىزعا ارزان ساۋدالانادى. بۇل ءوز كەزەگىندە وڭتۇستىك شارۋالارىنا دا ايتارلىقتاي ءتيىمدى. استانا بازارلارىندا وڭتۇستىك شارۋالارىنىڭ اۋىلشارۋاشىلىق ونىمدەرى ادەتكى باعادان  ارزانداۋ ساتىلادى.

اسىرەسە كوكونىس، جەمىس-جيدەك، ۇن ءام ەت ونىمدەرىنىڭ ساپاسى دا سىن كوتەرەرلىك.

ايتا كەتەيىك، جەلتوقسان ايىنداعى دەرەكتەرگە نازار اۋدارساق، ۇستىمىزدەگى جىلى وڭتۇستىك شارۋالارى استانا، الماتى قالالارىنا ارنايى جارمەڭكە ۇيىمداستىرىپ، وندا ءوز ونىمدەرىن تۇرعىندارعا ۇسىنعان.

راسىمەن جارمەڭكەدەگى باعالاردىڭ ارزاندىعىنان بولار ازىق-تۇلىك ونىمدەرىنە سۇرانىس جوعارى ەكەنىن بايقادىق. مىسالى، استانا جانە الماتى قالالارىندا وتكەن جارمەڭكەلەردە وڭتۇستىك قازاقستان وبلىسىنان اكەلگەن كارتوپ - 50 تەڭگە، ءسابىز - 50 تەڭگە، قازى - 1500 تەڭگە، بال - 1100 تەڭگە، شۇبات - 500 تەڭگە، جۇمىرتقا - 22 تەڭگە، قاربىز - 90 تەڭگە، قۇرما - 400 تەڭگە كولەمىندە بولدى.

بۇل وڭتۇستىك شارۋالارىنىڭ ەل ەلدى العاش رەت ارالاۋى ەمەس. جالپى رەسپۋبليكا كولەمىندە وڭتۇستىك قازاقستان وبلىسىنىڭ اۋىلشارۋاشىلىق  تاۋارلارى جوعارعى سۇرانىستى قامتاماسىز ەتىپ وتىرعانى تاعى راس.

اباي اقپارات