وڭتۇستىك قازاقستان وبلىسىنا قاراستى قىزىلقيا اۋىل وكرۋگىندەگى 500 گەكتاردان استام جەرگە قارقىندى باۋ شارۋاشىلىعىن دامىتىپ وتىرعان "امانكەلدى" جشس-ءنىӊ جۇمىسى كوڭىل كونشىتەرلىك، - دەپ حابارلايدى اباي-اقپارات.

الما، الحورى، شابدالى، شيە، ءجۇزىم جەمىس-جيدەكتەرىن وسىرەتىن سەرىكتەستىك ونىمدەرىن قازاقستان اۋماعىنان بولەك، وزبەكستان، اۋعانستان، تاجىكستان رەسپۋبليكالارىنا شىعارۋدا. سونداي-اق، جەمىس-جيدەكتەر مەن كوكونىستەردى ساقتايتىن سىيىمدىلىعى 2 مىӊ توننالىق قويماسى جانە تۇقىم باعىندا وندىرىلەتىن الما مەن ءجۇزىم كوشەتتەرى بار.

ەلباسى وӊتۇستىككە جاساعان ءبىر جۇمىس ساپارىندا وبلىستىӊ كوكونىس پەن جەمىس-جيدەك وندىرەتىن ناعىز "فابريكاعا" اينالۋعا بارلىق مۇمكىندىگى بار دەگەن بولاتىن. وسى مۇمكىندىكتى بارىنشا قولدانۋ ءۇشىن بارلىق اۋدان، قالالاپ اتالعان سەرىكتەستىكتەن تاجىريبە الىپ، باۋ-باقشا شارۋاشىلىعىن دامىتۋىمىز كەرەك",-دەگەن ەدى اكىم وبلىس اكىمى ج.تۇيمەباەۆ.

ءوز كەزەگىندە  ەربولات دوساەۆ شاعىن جانە ورتا كاسىپكەرلىكتىӊ دامۋىنا قاشاندا قولداۋ كورسەتىلەتىنىن ايتىپ، وبلىستاعى وندىرىلەتىن ونىمدەردى وزگە وӊىرلەرگە كەӊىنەن تانىستىرۋ قاجەتتىگىنە توقتالعان-دى. 

وӊتۇستىك قازاقستان وبلىسىنا جۇمىس ساپارىمەن "بايتەرەك" ۇلتتىق باسقارۋشى حولدينگى" اق باسقارما توراعاسى ەربولات دوساەۆ باستاعان "بايتەرەك دەۆەلوپمەنت" اق-نىӊ باسقارما توراعاسىنىӊ ورىنباسارى ا.قۇرتاەۆ، "دامۋ" كاسىپكەرلىكتى دامىتۋ قورى اق باسقارما توراعاسى ق.تىلەۋشين، "برك-ليزينگ" اق باسقارما توراعاسى ن.بايبازاروۆ، "تۇرعىن ءۇي قۇرىلىسىنىӊ كەپىلدەندىرۋ قورى" باسقارما توراعاسى د.وناەۆ، "Kazakhstan Project Preparation Fund" جشس-ءنىӊ باسقارما توراعاسى ءا.وتەمباەۆ، "قازاقستاننىӊ دامۋ بانكى" اق-نىӊ باسقارما توراعاسىنىӊ ورىنباسارى ا.سارقۇلوۆ، "نۇح "بايتەرەك" اق باسقارما توراعاسى حاتشىلىعىنىӊ جەتەكشىسى ا.شامشيندەر سىندى بىرقاتار حولدينگتىӊ ەنشىلەس كومپانيا باسشىلارى كەلگەن بولاتىن. ساپارى بارىسىندا ولار وӊىردەگى تۇرعىن ءۇي قۇرىلىسى مەن كاسىپكەرلىكتى دامىتۋ بويىنشا جيىن وتكىزىپ، قالاداعى سالىنىپ جاتقان تۇرىن ءۇي قۇرىلىسىمەن جانە شىمكەنتتەگى بىرقاتار كاسىپورىندار جۇمىسىمەن تانىسقان-دى.

اباي-اقپارات