وڭتۇستىك قازاقستان وبلىسى رەسپۋبليكا بويىنشا ماقتانىڭ 100 پايىزىن وندىرەدى  - دەپ حابارلايدى اباي-اقپارات وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.

وڭتۇستىك قازاقستان وبلىسىنىڭ شارۋالارى ورتاشا ەسەپپەن رەسپۋبليكا بويىنشا وندىرىلگەن ماقتانىڭ - 100 %، ءجۇزىمنىڭ - 65 %، باقشانىڭ - 66 %، ماقسارىنىڭ - 40 %، جەمىس-جيدەكتىڭ - 31 %، كوكونىستىڭ - 24 % پايىزىن وندىرەدى.

بيىل وڭتۇستىك قازاقستان وبلىسىنىڭ شارۋالارى ەلىمىز ەگەمەندىك العان شيرەك عاسىردا ءداندى داقىل جيناۋ بويىنشا ۇزدىك كورسەتكىشكە قول جەتكىزىپ، رەكورد ورناتتى. وبلىستىق اۋىل شارۋاشىلىعى باسقارماسى ماماندارىنىڭ مالىمەتىنشە، بيىل ءوڭىر ديقاندارى التى جۋز جەتپىس التى مىڭ توننا (وتكەن جىلمەن سالىستىرعاندا توقسان بەس مىڭ تونناعا كوپ) ءونىم جيناپ، بۇرىن-سوڭدى بولماعان ناتيجەنى بەرىپ وتىر. مۇنى ورتاشا تۇسىمدىلىككە شاقساڭىز، گەكتارىنا جيىرما التى تسەنتنەر ءداندى داقىلدان كەلەدى ەكەن. سونىمەن قاتار، بيىلعى ماۋسىم شارۋالاردىڭ وزگە دە ونىمدەردى كوپتەپ ءوسىرىپ، جيناۋدا وڭ جامباسىنان كەلىپتى. ماسەلەن، وسى ماۋسىمدا جينالعان كوكونىس كولەمى جۋز توعىز مىڭ تن. ارتىپ، توعىز جۋز الپىس ۋش مىڭ تن. بولسا، باقشا ونىمدەرى وتىز مىڭ تن. ارتىپ، ءبىر ملن. ءتورت جۋز ون ۋش مىڭ تن، كارتوپ جيىرما ەكى مىڭ تن. ارتىپ، ەكى جۋز جەتپىس جەتى مىڭ تن، جەمىس-جيدەك الپىس ءتور مىڭ تن. ارتىپ، جۋز جيىرما التى مىڭ تن، ءجۇزىم جيىرما ەكى مىڭ تن. ارتىپ، الپىس ۋش مىڭ توننانى كورسەتتى.

وقو اكىمدىگى ءباسپاسوز قىزمەتىنىڭ مالىمەتىنشە، بيىل ەگىن شارۋاشىلىعى بويىنشا اۋىل شارۋاشىلىعى داقىلدارىنىڭ كولەمى وتكەن جىلمەن سالىستىرعاندا 12,8 مىڭ گا. ارتىپ، 788,6 مىڭ گا بولدى.

مۇنان بولەك، سوڭعى ءۇش جىلدا جەردى جاڭا ادىسپەن يگەرۋ جۇمىستارى جۇرگىزىلۋدە. وسى جىلى تەرەڭ قوپسىتۋ تەحنولوگياسى 86 مىڭ گا ەنگىزىلدى. بۇعان دەيىن تاجىريبە جۇزىندە ماقتادان ورتاشا ەسەپپەن 26–27 تس/گا. ءونىم الىنسا، تەرەڭ قوپسىتۋ تەحنولوگياسىن ەنگىزگەن شارۋاشىلىقتاردان 40–45 تسن/گا. ءونىم الىنۋدا. اتالعان تەحنولوگيانىڭ كاتتى توپىراق ىلعالدىلىعىن ساقتاۋداعى تيىمدىلىگىن ەسكەرە وتىرىپ، بۇل تەحنولوگيانى باسقا دا داقىلدار مەن ءتالىمى جەرلەرگە قولدانۋ ۇسىنىلۋدا.

اباي-اقپارات