بيىل وڭتۇستىك قازاقستان وبلىسىنىڭ اگرارلى ايماعىندا كوكونىس پەن كارتوپ داقىلدارى جالپى 52,3 مىڭ گەكتارعا، ال  باقشا ءونىمى 59,1 مىڭ گەكتار جەرگە ەگىلگەن، - دەپ حابارلايدى اباي-اقپارات وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.

وڭتۇستىك قازاقستان وبلىسىندا 256 مىڭ توننا جۋىق كارتوپ جينالعان. الداعى جىلداردا اتالمىش سالا دامي تۇسەدى. وعان سەبەپ، كارتوپ ەگۋگە مەملەكەت تاراپىنان سۋبسيديانىڭ جەتكىلىكتى دەڭگەيدە ءبولىنىپ وتىرعاندىعى. وڭتۇستىك قازاقستاندىق كارتوپ ەگۋشىلەرگە مەملەكەت تاراپىنان گەكتارىنا 18 مىڭ تەڭگە قارجى ءبولىنىپ وتىر.

بۇل قارجى قر اشم-ءىڭ «باسىم داقىلدار ءوندىرۋدى سۋبسيديالاۋ ارقىلى وسىمدىك شارۋاشىلىعىنىڭ شىعىمدىلىعىن جانە ءونىم ساپاسىن ارتتىرۋدى، جانار-جاعارماي ماتەريالدارىنىڭ جانە كوكتەمگى ەگىس پەن ەگىن جيناۋ جۇمىستارىن جۇرگىزۋ ءۇشىن قاجەتتى باسقا دا تاۋارلىق-ماتەريالدىق قۇندىلىقتاردىڭ قۇنىن جانە اۋىل شارۋاشىلىعى داقىلدارىن قورعالعان توپىراقتا وڭدەپ ءوسىرۋ شىعىندارىنىڭ قۇنىن سۋبسيديالاۋ قاعيدالارىن بەكىتۋ تۋرالى» بۇيرىعى بويىنشا بولىنگەن.

ءوتىنىم قابىلداۋدىڭ باستالۋى/اياقتالۋى مەرزىمدەرىنەن كەشىكتىرمەي اش-ى بولىمىنە نەمەسە «ازاماتتارعا ارنالعان ۇكىمەت» مەملەكەتتىك كورپوراتسياسى» اق-نا (جازباشا نىساندا) نەمەسە «ەلەكتروندىق ۇكىمەتتىڭ» پورتالى ارقىلى ەلەكتروندىق تۇردە بەرىلەدى.

ماسەلەن، وسى ماۋسىمدا جينالعان كوكونىس كولەمى 109 مىڭ تن. ارتىپ، 963 مىڭ تن. بولسا، باقشا ونىمدەرى 30 مىڭ تن. ارتىپ، 1 ملن. 413 مىڭ تن، كارتوپ 22 مىڭ تن. ارتىپ، 277 مىڭ تن، جەمىس-جيدەك 64 مىڭ تن. ارتىپ، 126 مىڭ تن، ءجۇزىم 22 مىڭ تن. ارتىپ، 63 مىڭ توننانى كورسەتتى.

بۇل الداعى ۋاقىتتا وڭتۇستىك قازاقستان وبلىسىن رەسپۋبليكا حالقىن جەرگىلىكتى ازىق-تۇلىك ونىمدەرىمەن قامتاماسىز ەتەتىن نەگىزگى ورتالىققا اينالدىرۋ الەۋەتىنىڭ جوعارى ەكەندىگىنىڭ بىردەن-ءبىر ايعاعى.

اباي-اقپارات