جۇما, 29 ناۋرىز 2024
4106 0 پىكىر 22 جەلتوقسان, 2016 ساعات 18:12

احمەتجان ەسىموۆ: «ەكسپو-2017» كورمەسى داعدارىسقا قارسى باعدارلاما رەتىندە جۇمىس ىستەدى

«ەكسپو-2017» حالىقارالىق كورمەسىنىڭ قۇرىلىسىنا 50 مىڭنان استام جۇمىسشى تارتىلعان. قۇرىلىسقا 322 وتاندىق تاۋار ءوندىرۋشىنىڭ ءونىمى پايدالانىلدى. جالپى جوبا داعدارىسقا قارسى باعدارلامالاردىڭ ءبىرى رەتىندە جۇمىس ىستەگەن. بۇل تۋرالى «استانا ەكسپو-2017» ۇك» اق باسقارما توراعاسى احمەتجان ەسىموۆ مالىمدەدى. بۇل تۋرالى «Baq.kz» سايتى حابارلايدى. 

«ەكسپو-2017» حالىقارالىق كورمەسى جوباسى داعدارىسقا قارسى باعدارلاما رەتىندە جۇمىس ىستەدى. ءبىز بارلىق وڭىردەگى وتاندىق تاۋار وندىرۋشىلەرمەن تىعىز بايلانىس ورناتتىق. ناتيجەسىندە 322 وتاندىق تاۋار وندىرۋشىمەن 48,9 ملرد تەڭگە كولەمىندە مەموراندۋمعا قول قويدىق. وسىلايشا، 50 مىڭ ازاماتتى جۇمىسپەن قامتىدىق. قىركۇيەك جانە قازان ايلارىندا قۇرىلىس الاڭدارىندا 14 مىڭنان استام جۇمىسشى ەڭبەك ەتتى. قازىرگى تاڭدا قۇرىلىس جۇمىسىنىڭ اياقتالىپ جاتقاندىعىنا بايلانىستى 7 500 قۇرىلىسشى جۇمىس ىستەۋدە»، - دەدى ول.

سونىمەن قاتار، احمەتجان ەسىموۆ اتالمىش جوبا اياسىندا 1 ملن شارشى مەتر كولەمىندە عيماراتتار سالىنعاندىعىن اتاپ ءوتتى.

ء«بىز «ەكسپو-2017» كورمەسىنىڭ قوناقتارىنا ارنالعان تۇرعىن ۇيلەردىڭ قۇرىلىسىن بىتىردىك. 324 پاتەردى پايدالانۋعا بەردىك. 1374 پاتەرگە شەتەلدىك قوناقتاردان ءوتىنىش ءتۇستى. ولارعا بۇل ورىندار تەگىن بەرىلمەيدى. شەتەلدىك قوناقتار جال اقىسىن تولەيتىن بولادى. بۇدان باسقا ينۆەستورلار سالىپ جاتقان 4 400 پاتەر ەسەبىنەن ەلوردادا تۇرعىن ءۇي قورىنىڭ كولەمى ۇلعايادى. ءبىز 1 ملن شارشى مەرت بولاتىن عيماراتتار سالدىق. مۇنىڭ بارلىعى 74 گەكتار اۋماقتى الىپ جاتىر»، - دەدى باسشى.

ءسوز سوڭىندا توراعا حالىقارالىق جوباعا ينۆەستيتسيالىق جانە دەمەۋشىلەردىڭ قارجىسى تارتىلعاندىعىن مالىمدەدى.

«ەكسپو-2017» حالىقارالىق كورمەسىنە دەمەۋشىلەردىڭ ەسەبىنەن 126 ملن ەۋرو قارجى تارتتىق. سونداي-اق، جوباعا 211 ملرد تەڭگە كولەمىندە ينۆەستيتسيالىق قارجى ءبولىندى»، - دەپ تۇيىندەدى ءسوزىن ا.ەسىموۆ.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604