وبلىستا مال شارۋاشىلىعىن دامىتۋدىڭ 2014-2016 جىلدارعا ارنالعان باعدارلاما شەڭبەرىندە جاڭادان 15,0 مىڭنان استام ۇساق شارۋاشىلىقتاردى بىرىكتىرەتىن 174 كووپەراتيۆتەر قۇرىلدى. بۇل تۋرالى «Abai.kz» پورتالى حابارلايدى.

2016 – 2017 ج.ج. بارلىق اۋىلدىق وكرۋگتەردە كووپەراتيۆتەردى قۇرۋ جوسپارلانىپ وتىر. بۇگىنگى كۇنى وبلىستا قايتا وڭدەۋ سالاسىندا 198 كاسىپورىندار بار. ولاردىڭ 27 ءىرى كاسىپورىندار ساناتىنا جاتادى.

اۋىل شارۋاشىلىعى ونىمدەرىن قايتا وڭدەۋ كولەمى 128,7 ملرد.تگ قۇراپ، وتكەن جىلدان 15,2 ملرد.تگ ارتىپ، ناقتى كولەم يندەكسى 104,6 % جەتتى.

ايتا كەتەيىك، ايماقتا مال شارۋاشىلىعى جىلدان-جىلعا دامىپ كەلەدى. اتاپ ايتقاندا، ەت، ءسۇت، جۇمىرتقا ونىمدەرىنىڭ كولەمى ارتتى. جالپى، وڭىرىمىزدە 858,8 مىڭ ءىرى ءمۇيىزدى قارا مال، 4 111,4 مىڭ قوي مەن ەشكى، 223,6 مىڭ جىلقى، 23,4 مىڭ تۇيە، 2 460,3 مىڭ قۇس بار. مۇنىڭ بارلىعى شارۋالاردىڭ ەڭبەگى جانە مەملەكەت تاراپىنان بەرىلگەن قارجىلاي كومەكتى ءتيىمدى پايدالانۋدىڭ ارقاسىندا دەۋگە بولادى. ء«ىرى قارا مال ەكسپورتىنىڭ الەۋەتىن دامىتۋ» جوباسى شەڭبەرىندە «سىباعا» باعدارلاماسىمەن 18,2 مىڭ باس انالىق ءىرى قارا مال ساتىپ الىندى. بۇگىندە 49,3 مىڭ باس انالىق ءىرى قارا مالعا تۇقىمدىق تۇرلەندىرۋ جۇرگىزىلۋدە. «التىن اسىق» باعدارلاماسى بويىنشا 39,3 مىڭ باس تۇساق، «قۇلان» باعدارلاماسى بويىنشا 3,7 مىڭ باس جىلقى ساتىپ الىندى.

اباي-اقپارات