اعىمداعى جىلى وڭتۇستىك قازاقستان وبلىسىندا  جەكە قوسالقى شارۋاشىلىقتار نەگىزىندە ءبىر مىڭ شاعىن مال بورداقىلاۋ الاڭىن قارجىلاندىرۋ جوسپارلانعان بولاتىن دەپ حابارلايدى اباي-اقپارات «اۋىل شارۋاشىلىعىن قارجىلاي قولداۋ قورى» اق ءباسپاسوز قىزمەتىنە سىلتەمە جاساي وتىرىپ.

سيىر ەتىن ءوندىرۋ ءۇشىن اۋىل شارۋاشىلىعى مينيسترلىگى ۇستىمىزدەگى جىلى جەكە قوسالقى شارۋاشىلىقتار نەگىزىندە 5-20 ىقم باسىن بورداقىلايتىن شاعىن مال بورداقىلاۋ الاڭدارىن قارجىلاندىرۋدى جوسپارلاعان بولاتىن. مال سويۋ بەكەتتەرى بورداقىلاۋمەن اينالىساتىن جەكە قوسالقى شارۋاشىلىقتاردان قۇرىلعان اۋىلشارۋاشىلىق كووپەراتيۆتەردىڭ نەگىزىندە ۇيىمداستىرىلعان.  2016 جىلى بۇل شارالاردى جۇزەگە اسىرۋعا «جۇمىسپەن قامتۋ 2020 جول كارتاسى» باعدارلاماسىنىڭ قارجىسى باعىتتالادى. جىل باسىنان بەرى اۋىل شارۋاشىلىعىن قارجىلاي قولداۋ قورى جىلپى كولەمى 9,2 ملرد. تەڭگەگە 3,7 مىڭ جوبانى قارجىلاندىرىپتى. ونىڭ ىشىندە وڭتۇستىك قازاقستان وبلىسىندا 2,4 ملرد. تەڭگەگە 913 قارىز الۋشى قارجىلاندىرىلعان. شاعىن نەسيە رەتىندە بەرىلگەن قاراجاتتىڭ 70% مال شارۋاشىلىعىن دامىتۋعا جۇمسالعان.

جقجك 2020 قاتىسۋشىلارىن اتالعان باعىتتا قارجىلاندىرۋ ءۇشىن اۋىل شارۋاشىلىعىن قارجىلاي قولداۋ قورى تاراپىنان «بەرەكە» باعدارلاماسى ازىرلەندى. نەسيەنىڭ ماقساتتى باعىتتالۋى - ءىرى قارا، ۇساق مال، جىلقى، باسقا دا اۋىلشارۋاشىلىق مال مەن قۇستى بورداقىلاۋ مەن اۋىلشارۋاشىلىق ءونىم الۋ ءۇشىن ساتىپ الۋ، سونداي-اق، مال ازىق ساتىپ الۋ بولىپ تابىلادى. قارىزدىڭ ماكسيمالدى سوماسى - 3 ميلليون تەڭگەگە دەيىن، قارىزدى مەرزىمنەن بۇرىن وتەگەن قاتىسۋشىلار ءۇشىن - 5 ميلليون تەڭگەگە دەيىن، قارىزدىڭ مەرزىمى - 4 جىلعا دەيىن. 500 مىڭ تەڭگەگە دەيىن قارىزدار بويىنشا سىياقى ۇستەمەسى - جىلدىق 4,8%، 500 مىڭ تەڭگەدەن اساتىن قارىزدار بويىنشا - جىلدىق 6%. جىلدىق ءتيىمدى سىياقى ۇستەمەسى - سايكەسىنشە، 5% جانە 6,7%. رەسپۋبليكا بويىنشا 2016 جىلى 55 مىڭعا جۋىق مال باسىنا ارنالعان 7 مىڭنان استام شاعىن مال بورداقىلاۋ الاڭى قارجىلاندىرىلعان. بۇل ماقساتتا 10,9 ملرد. تەڭگە ءبولىندى. ونىڭ ىشىندە وڭتۇستىك قازاقستان وبلىسىندا - 7,9 مىڭ مال باسىنا ارنالعان 1000 وتباسىلىق شاعىن الاڭ 3 ملرد. تەڭگەگە باعالانعان.

اباي-اقپارات