وقو اكىمدىگى وڭىردەگى اۋىل شارۋاشىلىعىن ءاربىر اۋداننىڭ كليماتتىق جاعدايىنا قاراي دامىتۋدىڭ تيىمدىلىگىنە نازار اۋدارۋدا. بۇل تۋرالى اباي-اقپارات وبلىستىق ءباسپاسوز قىزمەتىنە سىلتەمە جاساي وتىرىپ حابارلايدى. ول ءۇشىن الدىمەن وڭىردەگى سۋارمالى جەرلەردىڭ جاعدايىن جاقسارتىپ، جاڭادان سۋارمالى جەرلەردى اينالىمعا قوسۋ، ەكىنشىدەن فەرمەرلەرگە تومەن پايىزبەن بەرىلەتىن نەسيەلەردىڭ كولەمى ارتتىرۋ قاجەت.  وبلىس كولەمىندە ماشينا-تراكتورلىق ستانسالار (متس) اشۋ جانە فەرمەرلەرگە عىلىمي-كونسۋلتاتسيالىق قىزمەت كورسەتەتىن ورتالىقتار قۇرىلۋ قاجەت. بۇل شارالار وقو شارۋالارىنىڭ ء ونىم ءوندىرۋ كورسەتكىشىن ەسەلەندىرە تۇسەتىن بولادى. وسى باعىتتا اتقارىلعان جۇيەلى جۇمىستاردىڭ ناتيجەسىندە وبلىستاعى اۋداندار اۋىل شارۋاشىلىعى ءونىمىن جيناۋدان رەكوردتتىق كورسەتكىشكە قول جەتكىزۋدە. ماسەلەن، سارىاعاش اۋدانىنداعى «قاپلانبەك» ماركالى شارابىمەن تانىمال بولعان اۋىلدىڭ ءجۇزىم وندىرۋشىلەرى  بىلتىر 234 گەكتاردان 2890 توننا ءونىم السا، بيىل بۇل كورسەتكىش ەكى ەسەگە ارتىپ، 5148 توننانى قۇراپ وتىر. سونىمەن قاتار، جەمىس-جيدەكتەن 1410 توننا ءونىم الىپ كوش باستاسا، جىلىجاي كولەمىن 50 گا ۇلعايتىپ وزات اتاندى. ال شاردارالىق ديقانداردىڭ ىشىندە بيىل ماقتاشى قاۋىمنىڭ ەڭبەگى جاندى. اۋدان بويىنشا ەگىلگەن 11972 گەكتار ماقتالىقتان بارلىعى 32400 توننا اق ۇلپا جينالدى. مۇندا «اق التىننىڭ» ءار گەكتاردان تۇسىمدىلىگى 27,1 تسەنتنەردى قۇرادى. ايتا كەتەيىك، اۋدان ماقتاشىلارىنىڭ بيىلعى كورسەتكىشى وتكەن جىلعىدان 10 تسەنتنەرگە ارتىپ وتىر.   سونىمەن قاتار، قازىعۇرت اۋدانى استىق وندىرۋدەن كوش باستادى. بيىل اۋداندا 40 مىڭ گەكتاردان استام القاپقا ەگىن ەگىلىپ، 96200 توننا استىق  جينالدى. ياعني گەكتارىنا 24 تسەنتنەردەن ءتۇسىپ وتىر. بۇل وتكەن جىلعىمەن سالىستىرعاندا 137 پايىزعا ارتىق.  شىمكەنتتىك شارۋالار دا  12 ايدا 7198 توننا ەت ءوندىرىپ، وبلىس بويىنشا وزاتتار قاتارىنا كىرىپ وتىر. بۇل كورسەتكىش وتكەن جىلعىمەن سالىستىرعاندا 144 پايىزعا ارتىعىمەن ورىندالعان.

اباي-اقپارات