قر اۋىل شارۋاشىلىعى مينيسترلىگى اۋىلشارۋاشىلىعىنا قاتىستى جاڭا زاڭنىڭ ەرەكشەلىكتەرىن ءتۇسىندىرۋ ماقساتىندا ەلدى-مەكەندەردە، وبلىس ورتالىقتارىندا ارنايى جيىندار وتكىزىپ كەلەدى. سونداي جيىننىڭ ءبىرى جۋىردا وقو-دا وتكەن بولاتىن. القالى جيىندا «كووپەراتيۆكە بىرىگۋدىڭ شارۋالار ءۇشىن ءبىر پايداسى: تەحنيكا مەن قۇرال-جابدىق ساتىپ العاندا 30 پايىزىن مەملەكەت تولەيدى.

مىسالى، تراكتور 10 ملن تەڭگەگە باعالانسا، ونىڭ 30 پايىزىن ياعني، 3 ملن تەڭگەسىن بيۋدجەت وتەيدى. قالعان 7 ملن تەڭگەنى تولەۋ ءۇشىن فەرمەر بانكتەن ەسەپشوت اشىپ سالادى. بىراق، بانك ول 3 ملن تەڭگەنى نە كاسىپكەرگە، نە تەحنيكانى اپەرەتىن ليزينگتىك كومپانياعا بەرمەي، ترانزيتتىك شوتتى ۇستاپ وتىرادى. ال، تەحنيكا جەتكىزىلىپ، فەرمەر «تەحنيكانى قولىما الدىم» دەگەن اكتىگە قول قويعان كەزدە، الگى شوت اشىلىپ، ليزينگتىك كومپانياعا سول فەرمەردىڭ اتىنان العاشقى جارنا رەتىندە قۇيىلادى.

قازىرگى تاڭدا فەرمەرلەردىڭ دەنى تەحنيكاسىز وتىر. ودان قالسا، تۇقىمنىڭ جوقتىعى، حيميالىق پرەپاراتتارعا قول جەتكىزە الماۋدى قوسىڭىز. جەردىڭ كوبى يگەرىلمەي جاتىر. ويتكەنى، فەرمەرلەردىڭ ول جەرلەردى يگەرۋگە مۇمكىندىگى جوق. ەندى جاڭا باعدارلاما وسى ولقىلىقتاردىڭ ورنىن تولتىرادى دەگەن سەنىم بار»، — دەدى مينيستر.
ەسكە سالساق، وتكەن جىلى اۋىل شارۋاشىلىعى سالاسىنا 29,1 ملرد تەڭگە ءبولىنىپ، 12 بيۋدجەتتىك باعدارلاماعا 21,0 ملرد تەڭگە سۋبسيديا قاراستىرىلدى.

كەرىمباي كەرىمقۇلوۆ،  «كەرىمقۇل» شق توراعاسى:
— اۋىلدى جەرلەردەگى شارۋالارعا كووپەراتيۆكە بىرىگۋ بويىنشا ايتىلىپ جاتىر. بۇدان حابارىمىز بار. جاڭا شىققان زاڭمەن دە تانىستىق. دەگەنمەن، بۇعان ازىرگە اسىعىستىق تانىتىپ وتىرعان جوقپىز. سەبەبى، 1994 جىلدارى سوۆحوزدار تارقاعاندا مۇنداي بىرىگۋ ماسەلەسىن 
باستان وتكىزدىك. ول كەزدە مال، تەحنيكا، جەر دە بولدى. توراعا دا سايلاندى. تاجىريبە بولمادى ما الدە زاڭنىڭ السىزدىگى مە تەحنيكا تالان-تاراجعا ءتۇسىپ، تىستەگەننىڭ اۋزىندا، ۇستاعاننىڭ قولىندا كەتتى. سوندىقتان، بىرىگۋ ماسەلەسىنە قۇلشىنىس تانىتىپ وتىرعانداردى بايقامادىم.

Abai.kz