وتكەن جىلى وقو دا 344,6 ملرد تەڭگەنىڭ اۋىلشارۋاشىلىق ءونىمى ءوندىرىلدى. وبلىس بويىنشا ەگىستىك جەر كولەمى ۇلعايىپ، 19,6 مىڭ گا سۋارمالى جەر قوسىلدى. ال، جىلىجايلاردىڭ اۋماعى 1025 گا جەتكەن. بيىل اۋىلداعى ەگىستىك القاپتارىنىڭ اۋماعىن تاعى دا ارتتىرىپ، ءونىم ءوندىرۋ مەجەسىن ۇلعايتۋ جوسپارلانۋدا ەكەن. بۇل تۋرالى «اباي اقپارات» پورتالى حابارلايدى.

وبلىستىڭ اۋىلشارۋاشىلىعى سالاسىندا جاسالىپ جاتقان ىستەرگە توقتالعان وبلىستىق اۋىل شارۋاشىلىعى باسقارماسىنىڭ  مامانى: "كەدەندىك وداققا مۇشە بولدىق، كورشى وبلىستارعا، الىس-جاقىن شەت مەملەكەتتەرگە ونىمدەرىمىزدى ەكسپورتتاۋعا شىعاراتىن بولعاندىقتان، مەملەكەت تاراپىنان كورسەتىلەتىن قولداۋ توقتاپ قالماق ەمەس. كەرىسىنشە جالعاسىن تابادى" دەپ اتاپ ءوتتى.

مامان سوزىنە سەنسەك، شارۋالاردىڭ الاڭداۋىنا نەگىز جوق ەكەن. سۋبسيديا بەرۋ مۇلدەم توقتاپ قالماعان. تەك باسىمدىق داقىلدارعا عانا بەرىلمەيدى ەكەن. وزگەرىسسىز قالعاندارى دا بار. باستىسى، بيىلعى ەگىس ناۋقانىندا ديقاندار شارۋاسىن دوڭگەلەتۋدە تومەن پايىزبەن نەسيە الۋعا قول جەتكىزەدى. كۇنى كەشە «كازاگرو» اق ۇلتتىق باسقارۋشى حولدينگىنىڭ توراعاسى نۇرلىبەك مالەلوۆ كوكتەمگى ەگىس پەن جيىن-تەرىمگە 60 ملرد تەڭگە بيۋدجەتتىك نەسيە بەرىلەتىندىگىن مالىمدەدى.

ياعني، اۋىلشارۋاشىلىق تاۋارىن ءوندىرۋشى ەكىنشى دەڭگەيلى بانك ارقىلى 7,41% مولشەرىمەن نەسيە الا الادى. ەكىنشى دەڭگەيلى بانك كەپىلدىگىمەن شارۋا قوجالىقتارىنا نەسيەلەندىرۋ جىلدىق 5%-دىق مولشەردە جاسالادى.

Abai.kz