وقو دا كاسىپكەرلىكپەن اينالىساتىن ادامداردىڭ سانى توقتاۋسىز ءوسىپ كەلەدى دەپ حابارلايدى اباي-اقپارات. ماسلەن، وڭتۇستىك قازاقستان وبلىسى، سوزاق اۋدانىندا 3130-دان استام كاسىپكەرلىك سۋبەكتى جۇمىس ىستەيدى. اۋدان كولەمىندە جىل سايىن ورتا ەسەپپەن 270-كە جۋىق جاڭا سۋبەكتىلەر قوسىلىپ وتىرادى. ونىڭ ىشىندە ساۋدا-ساتتىق، قىزمەت كورسەتۋ باعىتى باسىمداۋ. اۋداندا ءوندىرىس از بولعاندىقتان، ورتا كاسىپكەرلىكتى دامىتۋ قيىنداۋ.

سوزاق اۋدانىنان 110 شاقىرىم جەردە تۇركىستان قالاسى بار. وعان باراتىن جول دا اسفالت. تۇرعىندار قاجەتتى زاتتارىنىڭ بارلىعىن سول جاقتان الىپ كەلەدى. سول سەبەپتى كاسىپكەرلىكتى دامىتۋ ءۇشىن «قازاتومپروم» اق-عا قاجەتتى ونىمدەر وندىرۋگە باسىمدىق بەرۋدى قاجەت دەپ تاپقان. وسى ماقساتتا اعىمداعى جىلى 50 گەكتار جەرگە يندۋستريالدى ايماق اشىلىپتى. قازىردىڭ وزىندە وندا 4 جوبا جۇزەگە اسىپ ۇلگەرگەن.

بىرەۋى بوشكە شىعارسا، ەكىنشىسى ارماتۋرالانعان قۇبىر وندىرەدى. ءۇشىنشىسى تۇرمىسقا قاجەتتى قۇبىر، تاعى بىرەۋى اس تۇزىن وندىرەدى. اۋداندا تۇزدىڭ ۇلكەن كەن ورنى بار. قازىر سوزاق اۋدانىنىڭ ەلدى-مەكەندەرىندە تۇز ءوندىرۋ باستالدى. ول «ارالتۇزدان» كەم ەمەس. بەسىنشى جوبا — اۆتول، توسول مايىن قۇياتىن بوشكە وندىرەتىن زاۋىت.سوڭعى، جەلتوقسان ايىنىنىڭ قورتىندىسىنا سۇيەنسەك، بيىلعى جىلى 400 ميلليون تەڭگەدەن استام ءونىم ءوندىرىلىپتى.

اتالعان اۋدانداعى كاسىپورىنداردا 70-كە جۋىق ادام جۇمىس جاساۋدا. بەسىنشى زاۋىت ىسكە قوسىلسا، تاعى 50 ادام جۇمىسپەن قامتىلماق. بولاشاقتا «قازاتومپرومنىڭ» سىپىرعى، ششەتكاسىنا  دەيىن سوزاق اۋدانىندا وندىرىلەتىن كورىنەدى. 

Abai.kz