وقو - حالقى تىعىز ورنالاسقان ايماق. وبلىس حالقىنىڭ سانى جا اي سايىن ءوسۋ ۇستىندە. ماسەلەن، سوزاق اۋدانىندا 2000 جىلى 49 مىڭ تۇرعىن بولسا، قازىر 61455-كە جەتتى. سوزاقتىڭ تابيعاتى مال شارۋاشىلىعىن دامىتۋعا قولايلى. كليماتى وسىعان لايىق، جەرى شولەيت. ەگىس از. بارلىق ەگىستىك كولەمى 13 مىڭ عانا گەكتار. ونىڭ سۋارمالىسى 5 مىڭ گەكتار. تاۋەلسىزدىك العان جىلدارى اۋداندا ۋاق مالدىڭ ءوزى 500 مىڭعا جەتكەن. 1995-96 جىلدارى مال سانى ءۇش ەسەگە دەيىن تومەندەپ، سوڭعى 4-5 جىلدان بەرى مال باسى ورتا ەسەپپەن 2 پايىز كولەمىندە وسۋمەن كەلەدى. قازىر اۋداندا 260 مىڭعا جۋىق ۋاق مال، 27 مىڭنان استام ءمۇيىزدى ءىرى قارا، 10 مىڭ تۇيە، 12 مىڭ جىلقى بار. اۋداننىڭ جەر كولەمى 4 ميلليارد گەكتار بولسا، سونىڭ 3,5 ميلليونى جايىلىم ەسەپتەلەدى. 778 شارۋا قوجالىقتارىنىڭ پايدالانىپ وتىرعان جەرلەرى 950 مىڭداي گەكتاردى قۇرايدى. بۇل جايىلىمنىڭ وڭتۇستىك قازاقستان وبلىسى، سوزاق اۋدانى بويىنشا 30 پايىزىن عانا پايدالانىپ وتىرعانىن كورسەتەدى.

اۋدان بيىلعى جىلى  بىرىككەن اراب امىرلىكتەرىنە 2600 باس مالدى ەكسپورتتادى. قازىر تاعى كەلىسسوزدەر جۇرگىزىلۋدە. سۇرانىس ءالى دە بار. مال ساتۋمەن اينالىساتىن ازاماتتاردى شارۋالارمەن كەزدەستىرىپ، جوسپار جاسالعان. ارابتار تاراپىنان قابىرعاسىنا از ماي جينايتىن قاراكولگە سۇرانىس كوپ بولادى. ال سالماعى 30 كەلىدەن اساتىن سەمىز مالعا مۇلدەم قىزىعۋشىلىق جوق. كەلەشەكتە سوزاق  اۋدانىندا مالدى سويىپ، سويىلعان مالدىڭ ەتىن الىپ كەتەتىن جاعداي قاراستىرىلعان. كەزىندە تاۋكەنتتە «قازاتومپروم» اق-دان قالعان ەت كومبيناتى بولاتىن. 2013 جىلعى قاتتى جەل سول كومبيناتتى جارامسىز ەتىپ تاستاعان. سول عيماراتتى الداعى جىلى مال ەكسپورتتاپ جۇرگەن جىگىتتەر ساتىپ الىپ، قالپىنا كەلتىرمەك. ول ءۇشىن 50 ميلليون تەڭگە شاماسىندا قاراجات قاجەت ەكەن. ەلباسى ءباا ەلىنە بارىپ، ارابتارمەن كەلىسسوزدەر جۇرگىزگەن بولاتىن. وقو جۇرتشىلىعىن قۋانتىپ وتىرعانى — قازاقستان ايىنا 7000 باسقا دەيىن مال ەكسپورتتاۋ كەلىسىمىنە قول جەتكىزىلدى. سونىڭ كوبى  وڭتۇستىك قازاقستان وبلىسىندا. سونىڭ ىشىندە سوزاق اۋدانىندا ەكسپورتتالماق. 

Abai.kz