وڭتۇستىك قازاقستان وبلىسىنا قاراستى ورداباسى اۋدانىندا شارۋالار مەملەكەتتىك باعدارلامانىڭ قولداۋىمەن كاسىپتەرىن دوڭگەلەتىپ وتىر. بۇل تۋرالى «اباي اقپارات» پورتالى «قازاقستان زامان» باسىلىمىنا سىلتەمە جاساي وتىرىپ ابارلايدى.

مىسالى، ورداباسىدا ەلباسىنىڭ «سىباعا» باعدارلاماسى بويىنشا بىلتىر 90 باس ءىرى قارا مال الۋ جوسپارلانىپ، ول تولىعىمەن ورىندالعان. بيىل تاعى 75 باس الۋ جوسپارلانىپ، 80 باسقا جەتكىزىلدى. «قۇلان» باعدارلاماسى بويىنشا 188 باس اسىل تۇقىمدى ۋاق مال الۋ جوسپارلانسا، ناتيجە 450 باسقا جەتتى. شۇبار اۋىلدىق وكرۋگىندە بيىل 2900 گەكتار اق ەگىس ەگىلىپ، گەكتار بەرەكەلىلىگى 27 تسەنتنەرگە دەيىن جەتتى. التىن كۇز مەرەكەسىندە اۋىلدىق وكرۋگ اپپاراتى استىقتان ەڭ جوعارى ءونىم جيناعانى ءۇشىن اۋىسپالى تۋعا يە بولدى.

وڭتۇستىك قازاقستان وبلىسى اۋىلشارۋاشىلىق باسقارماسىنىڭ جەلتوقسان ايىنداعى مالىمەتتەرىنە سۇيەنسەك، بيىل وڭىردە «سىباعا» باعدارلاماسى بويىنشا مال شارۋاشىلىعىنا ايرىقشا قولداۋ كورسەتىلىپ وتىر.

شارۋالاردىڭ «سىباعا» باعدارلاماسىنا قىزىعاتىندىعىنىڭ تاعى ءبىر سەبەبى، سەلەكتسيا جانە اسىل تۇقىمدى مال ساتىپ الۋعا مەملەكەت 1 باس ءۇشىن 154 مىڭ تەڭگە سۋبسيديا تولەيدى. تۇقىمدى تۇرلەندىرۋ ماقساتىندا 1 باسقا 18 مىڭ تەڭگە بولەدى. بىلاي ايتقاندا، مەملەكەتتىك قولداۋ شارۋالاردى ەكى جەپ بيگە شىعارىپ وتىر.

Abai.kz