اۋىلشارۋاشىلىعىمەن اينالىساتىن اۋداندارعا كۇزدىڭ اياعىندا زور ءۇمىت ارتىلادى. 

وسىعان وراي تۇلكىباس اۋدانى، ىنتىماق اۋىلىندا ماڭىزى بار ىستەر ۇزدىكسىز اتقارىلىپ جاتىر. مۇندا «قىزىل جار» جشس بار. بۇل سەرىكتەستىك اۋداندى اسىراپ وتىرعان شارۋا قوجالىقتارىنىڭ ءبىرى دەسە بولادى. تۇلكىباس اۋدانىن جۇمىس بابىمەن ارالاپ جۇرگەن جاڭا اكىم اۋەلحان تۇرعىمبەكوۆ وسى شارۋا قوجالىعىنا باس سۇعىپ، ونداعى اتقارىلىپ جاتقان قىزۋ ەڭبەككە سۇسىنگەنىن جاسىرا المادى. سەرىكتەستىك باسشىسى ن.مامىروۆ اۋدان باسشىسىنا ءوز قاراماعىنداعى ۇجىمنىڭ  تىنىس-تىرشىلىگىن بايانداپ بەردى. شارۋاشىلىق 2 مىڭ گەكتار جەرگە ارپا مەن بيداي ەگەدى. بيىلعى جىلعى ءونىم جامان ەمەس، ءار گەكتارىنا 24 تسەنتنەردەن اينالعان. شارۋاشىلىقتا ەگىننەن بولەك، الما مەن ءجۇزىم وسىرىلەدى. جىلىجاي سالعان سەرىكتەستىك ودان دا تۇراقتى ءونىم الىپ وتىر. مۇنىڭ ءبارى «اگروبيزنەس-2020» باعدارلاماسى اياسىندا اتقارىلىپ جاتىر. مەملەكەت ەل بيۋدجەتىنە سالىق ءتۇسىرىپ وتىرعان وسىنداي سەرىكتەستىكتەرگە ءوز كومەگەن بەرىپ كەلەدى. ءوز كەزەگىندە مۇنداي شارۋا قوجالىقتارى دا مەملەكەتتىڭ ءۇمىتىن اقتاپ كەلە جاتىر دەسە بولعانداي.

جەكە كاسىپكەر ن.مامىروۆ قاراماعىنداعى قىزمەتكەرلەرگە جانە اۋىل تۇرعىندارىنا ۇزبەي الەۋمەتتىك كومەك كورسەتىپ، از قامتىلعان وتباسىلارىنا قامقورلىق كورسەتىپ كەلەدى. قازىر سەرىكتەستىكتە 68 ادام ەڭبەك ەتەدى. بولاشاقتا مال شارۋاشىلىعىمەن اينالىسۋ دۆ جوسپارلارىندا بار. وعان ولاردىڭ مۇمكىندىكتەرى جەتەدى. اۋدان اكىمى وسىنداي ءىرى شارۋاشىلىقتاردىڭ دامي بەرەتىنىن ايتىپ، كووپەراتسياعا بىرىگۋ كەرەكتىگىن دا اتاپ ءوتتى.  جالپى، تۇلكىباس اۋدانى – تاۋلى اۋدان بولعاسىن، تابيعاتى وتە جايلى. كۇز جانە كوكتەم مەزگىلدەرىندە جاڭبىر ءجيى تۇسەدى. سول سەبەپتى، مۇندا ءشوپ قالىڭ وسەدى. قۇنارلى ءوڭىر بولعاندىقتان جىل سايىن اۋىلشارۋاشىلىعى ونىمدەرىن دە مول بەرەدى.

Abai.kz