بورالداي – وڭتۇستىك قازاقستان وبلىسى بايدىبەك اۋدانىنداعى ءىرى اۋىلدىق وكرۋگتەردىڭ ءبىرى سانالادى. وندا 11580 ادام تۇرادى. «تۇرعىنداردىڭ نەگىزگى اينالىساتىن كاسىبى – ەگىن مەن مال شارۋاشىلىعى. 24 مىڭ گەكتاردىڭ ۇستىندە ەگىستىك جەر بولسا، سونىڭ 22 مىڭ گەكتارىنا بيداي، ارپا، ماقسارى سەكىلدى ەگىس ەگىلەدى. بيىل بيداي جاقسى ءونىم بەرىپ، گەكتارىنا 22 تسەنتنەردەن ءونىم جينالدى. مال بورداقىلاۋ دا جاقسى جولعا قويىلىپ كەلەدى. «جۇمىسپەن قامتۋ – 2020» باعدارلاماسى اياسىندا جەڭىلدەتىلگەن نەسيە الىپ، تىكەلەي ءوز كاسىبىن اشىپ، اينالىسىپ جاتقاندار بار. اۋىل تۇرعىندارىنا جەكە كاسىپكەرلىگىن اشۋعا كومەكتەسىپ، تۇسىنىك جۇمىستارىن جۇرگىزەمىز. بيىل 3 ميلليون تەڭگەگە دەيىن، مال بورداقىلاۋ ماقساتىندا 18 ادام نەسيە الىپ، جۇمىس جاساپ جاتىر»، - دەيدى بورالداي اۋىلدىق وكرۋگىنىڭ اكىمى ايتۋبەك راحىمبەتوۆ.

وسى اۋىلدىق وكرۋگتە 1998 جىلدان باستاپ جۇمىس ىستەپ كەلە جاتقان «جەل تيمەس» اتتى وندىرىستىك كووپەراتيۆ بار. كووپەراتيۆ توراعاسى گاۋھاربەك مەيىرمانقۇلوۆ ونى 20 اعايىندى باس بىرىكتىرىپ قۇرعاندىعىن ايتادى. «نەگىزگى كاسىبىمىز - ەگىن سالاسى مەن مال شارۋاشىلىعى. 500 گەكتار ەگىستىك، تاعى وسىنشا جايىلىمدىق جەر بار. تەحنيكا جەتكىلىكتى. ءبىر وتار ۋاق مال ۇستايمىز. الداعى ۋاقىتتا مال باسىن تاعى كوبەيتسەك دەگەن جوسپارىمىز بار. كووپەراتيۆ مۇشەلەرى پاي ۇلەستەرىن الىپ وتىرادى، ال ناقتى جۇمىس ىستەيتىندەر 6 ادام. ناۋقان كەزىندە ۋاقىتشا جۇمىسپەن قامتىلاتىندار قاتارى 15-كە دەيىن جەتەدى»، - دەيدى گ.مەيىرمانقۇلوۆ.

ءيا، تاۋەلسىزدىكتىڭ ارقاسىندا ءوز الدىنا وتاۋ قۇرعان وسى سەكىلدى شارۋاشىلىقتار ءار اۋىلدا دا كەزدەسەدى. ولاردىڭ مەملەكەتكە الاقان جايا بەرمەيع ءوز الدارىنا جۇمىس ىستەپ، وزدەرىنە دە پايدالى، مەملەكەتكە دە ءتيىمدى ىسپەن شۇعىلدانىپ جاتقانىنا العىستان باسقا ايتارىڭ بولمايدى ەكەن.

Abai.kz