«اشىق اكىمدىك» جوباسى ەڭ ءبىرىنشى كەزەكتە حالىق يگىلىگى جۇمىس ىستەيدى. سەبەبى، بۇعان دەيىن حالىق قۇجات الۋدا ءتۇرلى كەدەرگىلەرگە تاپ بولىپ جاتاتىن. بۇل تۋرالى «rgmedia.kz» سايتى حابارلايدى.

دايىن قۇجاتتى الۋ ءۇشىن بىرنەشە كۇن كۇتىپ قالاتىن كەزدەردى دە بولدى. وسى ولقىلىقتى رەتتەۋ ءۇشىن مەملەكەت باسشىسى نۇرسۇلتان نازارباەۆ 5 ينستيتۋتسيونالدى رەفورماسىن جۇزەگە اسىرۋعا باعىتتىعان «ناقتى 100 قادام» - ۇلت جوسپارىندا 5 باعىتتى حالىققا ەسەپ بەرەتىن مەملەكەتتى قۇرۋ دەپ اتادى. بۇل باعىت بويىنشا حالىق كەز-كەلگەن ۋاقىتتا بيلىك ورىندارىنان اقپارات سۇراتا الادى. جانە حالىققا قىزمەت كورسەتۋ ورتالىقتارىنان وڭتايلاندىرىلعان جولمەن جانە ۇيدە وتىرىپ-اق ەلەكتروندى تۇردە قاعاز-قۇجاتتارىن رەتتەپ، الا الادى. 94 قادام اياسىندا وڭتۇستىك قازاقستاندا «اشىق اكىمدىك» جوباسى جۇزەگە استى. وسى جوبا اياسىندا وبلىس اكىمى وتكىزگەن ينتەرنەت كونفەرەنتسيادا تەمىربەك ەسىمدى اۋىل شارۋاشىلىعىندا ناپاقا تاۋىپ جۇرگەن ازامات: «تۇيە شارۋاشىلىعىن جانداندىرۋ ءۇشىن قانداي جۇمىستار جاسالىنۋ قاجەت؟» دەپ ساۋال جولداپتى. بۇعان وبلىس اكىمى تاراپىنان:

«قۇرمەتتى تەمىربەك بايتاسوۆ! ءسىز كوتەرىپ وتىرعان ماسەلە وتە ورىندى. بولاشاقتا قىمىران مەن شۇباتقا سۇرانىستىڭ كوپتىگىنە بايلانىستى سوزاق اۋدانىندا تۇيە شارۋاشىلىقتارىن اسىلداندىرۋ جۇمىستارىن جۇرگىزۋ زاماناۋي جاڭا تەحنولوگيالار ارقىلى تۇيەدەن الىناتىن ءونىمدى (قىمىران، شۇباتتى) مول ءوندىرىپ، ءوندىرىس ورىندارىن اتالعان ونىممەن قامتاماسىز ەتۋدى قاراستىرۋ جۇمىستارى جۇرگىزىلەتىن بولادى»، - دەپ جاۋاپ بەرىلدى. كوپ وتپەي، اكىم بەرگەن ۋادە ورىندالدى. قازىرگى تاڭدا سوزاق اۋدانىنداعى ءوندىرىس ورىندارى تۇيەدەن الىناتىن ونىممەن قامتاماسىز ەتىلدى. 

الداعى ۋاقىتتا مۇنداي ينتەرنەت كونفەرەنتسيالار «اشىق اكىمدىك» جوباسى اياسىندا ءجيى ۇيىمداستىرىلادى. ءتىپتى، كونفەرەنتسيانى كۇتپەي-اق، لاۋازىم يەلەرىنىڭ جەكە بلوگتارىنا ساۋالدارىڭىزدى ونلاين تۇرلە جولداي الاسىز. 

اباي اقپارات