كەشە وڭتۇستىك قازاقستان وبلىسى اكىمدىگىندە ەۋرازيالىق ەكونوميكالىق كوميسسيانىڭ باسەكەلەستىك جانە مونوپولياعا قارسى رەتتەۋ جونىندەگى ءمينيسترى نۇرلان الدابەرگەنوۆتىڭ قاتىسۋىمەن ءماجىلىس ءوتتى. بۇل تۋرالى «rgmedia.kz» سايتى حابارلايدى.

جيىنعا توراعالىق ەتكەن وبلىس اكىمى جانسەيىت تۇيمەباەۆ ەۋرازيالىق ەكونوميكالىق وداقتىڭ بۇكىل قازاقستاندىق كاسىپكەرلەرگە ۇلكەن نارىققا جول اشقانىن جەتكىزدى. بۇل تۋرالى وقو اكىمدىگىنىڭ رسەمي سايتى "اشىق اكىمدىك" جوباسى اياسىندا حابارلاپ وتىر.  

«وداققا مۇشە بولعانعا دەيىن وبلىسىمىزدىڭ رەسەيمەن سىرتقى ساۋدا اينالىم كولەمى 2010 جىلى 225,3 ملن. اقش دوللارىن قۇراسا، وتكەن جىلى بۇل كورسەتكىش 3,4 ەسەگە ارتىپ 756,6 ملن. اقش دوللارىنا دەيىن جەتكەن. ونىڭ ىشىندە، ەكسپورت 5,8 ەسەگە وسسە، يمپورت 2,2 ەسەگە كوبەيگەن»،-دەدى وبلىس اكىمى. ء وز كەزەگىندە، ءسوز العان مينيستر ن.الدابەرگەنوۆ ءوزى جەتەكشىلىك ەتەتىن كوميسسياداعى ەۋرازيالىق ەكونوميكالىق وداق اياسىندا باسەكەلەستىكتى رەتتەۋ ماسەلەلەرى تۋرالى بايانداما جاسادى. 

جيىن بارىسىندا، وبلىستاعى تاريفتەردىڭ قالىپتاسۋى بويىنشا ايماق باسشىسىنىڭ ورىنباسارى جاقىپ بوكەنباەۆ بايانداما جاسادى. وندا ول وڭتۇستىك قازاقستان وبلىسىندا ەلەكتر ەنەرگياسى تاپشى ەكەنىن ايتىپ، جەتىسپەيتىن بولىگى رەسپۋبليكانىڭ وزگە ايماقتارىنان تاسىمالداناتىنىن جەتكىزدى.   سونداي-اق، ج.بوكەنباەۆ وڭتۇستىك قازاقستان وبلىسىندا تۇتىنىلاتىن جىلدىق 1 ملرد. م3 تابيعي گازدىڭ 65 پايىزىن وندىرىستىك مەكەمەلەر مەن شاعىن ورتا بيزنەس وكىلدەرى پايدالاناتىنىن اتاپ ءوتتى.  ياعني تاريف باعاسى، شىعارىلاتىن تاۋارلاردىڭ وزىندىك قۇنىنىڭ وسۋىنە الىپ كەلەتىنى راس. ال اۋىز سۋ جانە جىلۋ قىزمەتتەرىنىڭ تاريفتەرى وندىرىلەتىن ءونىمنىڭ وزىندىك قۇنىنا، ونىڭ تاۋار اينالىمىنداعى باعاسىنىڭ جوعارى بولۋىنا ايتارلىقتاي اسەرىن تيگىزبەيدى ەكەن.  وڭتۇستىك قازاقستاندا تابيعي گاز بەن ەلەكتر ەنەرگياسىنىڭ تاريفتەرىن قايتا قاراۋ قاجەتتىگىن ايتقان نۇرلان الدابەرگەنوۆ ەۋرازيالىق ەكونوميكالىق وداق نارىعىنا شىعارىلاتىن باسەكەگە قابىلەتتى ونىمدەردىڭ قاتارىن كوبەيتۋ قاجەتتىگىنە نازار اۋداردى.

ماجىلىستە جوعارىدا اتالعان ماسەلەلەرگە قاتىستى تابيعي گاز بەن ەلەكتر ەنەرگياسى ءتاريفىن مۇمكىندىگىنشە تومەندەتىپ، ەلىمىزدەگى ايماقتار اراسىنداعى باعالىق ايىرماشىلىقتى ازايتۋ ماقساتىندا بىرىڭعاي باعانى ازىرلەپ بەكىتۋدى  جانە شاعىن جانە ورتا بيزنەستى قولداۋ ماقساتىندا كوممۋنالدىق تاريفتەردى سۋبسيديالاۋدى ەنگىزۋ ۇسىنىلدى. 

اباي اقپارات