قازاقستاندا قاۋىپسىزدىك شارالارىنا كوپ كوڭىل بولىنۋدە. ەگەر، كوڭىل بولىنبەسە، مەملەكەت قازىناسىنان بولىنگەن قىرۋار قارجىعا سالىنعا نىساندار سۋ استىندا قالىپ كەتۋى مۇمكىن. بۇل تۋرالى «rgmedia.kz» سايتى حابارلايدى.

مىنە، وسىندا توتەنشە جاعدايلاردىڭ الدىن-الۋ ماقساتىندا وڭتۇستىكتە بىرقاتار شارۋالار كەزەگىمەن اتقارىلدى. بۇل جايلى «اشىق اكىمدىك» جوباسى اياسىندا Ontustik_derek ينستاگرام جەلىسىندەگى پاراقشا جاريالادى. ەسكە سالا كەتسەك، «اشىق اكىمدىك» - حالىققا قىزمەت كورسەتۋدى وڭتايلاندىرىپ،  اكىمدىك تاراپىنان بولاتىن توسقاۋىلداردى جويىپ، حالىقپەن تىعىز جۇمىس جاساۋعا نەگىزدەلدى. وقو اكىمىنىڭ تاپىرماسىمەن وبلىستا «اشىق اكىمدىك» جوباسى اياسىندا Ontustik_derek پاراقشاسىندا سۋ تاسقىنىڭ الدىن-الۋ شارالارى تۋرالى حابار جاريالاندى.

وسىعان دەيىنگى جىلدارداعى تاجىريبە مەن وبلىستىڭ ەرەكشەلىكتەرىن ەسكەرە وتىرىپ، كوكتەمگى سۋ تاسقىنىنا قاۋىپتى كەزەڭگە دايىندىق جۇمىستارى كۇزدەن باستاپ جۇرگىزىلدى. 
2015 جىلى وبلىستىق توتەنشە جاعدايلار كوميسسياسى توراعاسىنىڭ وكىمىنە جانە ارال-سىرداريا باسسەيىندىك ينسپەكتسياسىنىڭ بۇيرىعىنا سايكەس وبلىس اۋماعىنداعى سۋ قويمالاردىڭ جاعدايى تەكسەرىلگەن بولاتىن.تەكسەرۋ جۇمىستارىنىڭ ناتيجەسى جونىندە وبلىس باسشىلارىنا، پروكۋراتۋرا جانە سۋ قويمالاردىڭ مەنشىك يەلەرىنە ءتيىستى شارالار قابىلداۋ ءۇشىن حاباردار ەتىلدى. 
اعىمداعى جىلدىڭ باسىنان وبلىستىق توتەنشە جاعدايلاردىڭ الدىن الۋ جانە جويۋ جونىندەگى كوميسسياسىنىڭ 2 وتىرىسى وتكىزىلدى. سونداي-اق، وبلىستىڭ حالقى مەن اۋماعىن سۋ تاسقىنىنان قورعاۋ بويىنشا ءىس-شارالار جوسپارى بەكىتىلدى. وسى مازمۇنداعى ءىس-شارالار جوسپارلارى وبلىستىڭ اۋداندارىندا دا دايىندالعان جانە بارلىق اۋداندا توتەنشە جاعدايلار كوميسسياسىنىڭ وتىرىستارى وتكىزىلدى. 
قازىرگى تاڭدا بارلىق اۋدانداردا سۋ تاسقىنىنا قارسى شتابتار قۇرىلدى، كەزەكشىلىكتەر ۇيىمداستىرىلعان. قازىر كۇز مەزگىلى. جاۋىن-شاشىن كوپ بولادى. سوندا وزەندەردىڭ تاسۋ ىقتيمالدىعى جوعارى بولادى. بىراق، الاڭداۋعا نەگىز جوق. وقو اكىمىنىڭ تاپسىرماسىمەن وڭىرىمىزدە الدىن-الۋ شارالارى جۇزەگە اسىرىلدى. 

اباي اقپارات