«ناقتى 100 قادام» - ۇلت جوسپارىنىڭ 94 قادامىنىندا «اشىق ۇكىمەتتى» ەنگىزۋ قاجەتتىلىگى جايلى ايتىلعان بولاتىن. وسىعان وراي، وڭتۇستىك قازاقستان وبلىسىنىڭ اكىمى بۇل قادامدى العاش بولىپ ىسكە اسىرىپ، «اشىق اكىمدىك» جوباسىن قوستى. وسى جوبا اياسىندا كوپتەگەن جۇمىستار اتقارىلدى.  بۇل تۋرالى «rgmedia.kz» سايتى حابارلايدى.

حالىققا اتقارىلعان جۇمىستار تۋرالى اقپاراتتاردى تەز جەتكىزۋ ماقساتىندا Ontustik_derek ينستاگرام پاراقشاسى اشىلدى.  وسى پاراقشادا «اشىق اكىمدىك» جوباسى اياسىندا حالىققا ونلاين رەجيمدە اقپاراتتار تاراتىلادى.  پاراقشادا وڭتۇستىكتەگى ساناۆياتسيا جايلى مالىمەت جاريالاندى.

وڭتۇستىكتىڭ ساناۆياتسياسى تەگىن قىزمەت كورسەتەدى. 365 شاقىرتۋ! بۇل — وڭىردەگى سانيتارلىق اۆاياتسيا قىزمەتىنە جىل باسىنان بەرى تۇسكەن قوڭىراۋ سانى. سانيتارلىق اۆياتسيانىڭ قالالىق جەدەل جاردەمنەن وزىندىك ايىرماشىلىعى بار. ورتالىق ماماندارى جەكە تۇلعالاردان تۇسكەن قوڭىراۋدى قابىلدامايدى. ايماقتاعى اۋرۋحانالار ءوتىنىشى بويىنشا عانا جۇمىس ىستەيدى. ونىڭ وزىندە ناۋقاسقا جەرگىلىكتى جەردە كومەك كورسەتۋ مۇمكىن بولماسا عانا شۇعىل توپ اتتانادى. كۇنىنە 10-15 شاقىرتۋعا دارىگەرلەردى اتتاندىرۋ، جىلدام جيناۋ — ديسپەچەردىڭ مىندەتى.

وبلىستاعى سانيتارلىق اۆياتسيالىق بولىمدە 10 جەدەل جاردەم كولىگى مەن ءبىر ۇشاق، ءبىر تىكۇشاق بار. 30 قىزمەتكەر قالتقىسىز ەڭبەك ەتەدى. ال كەلىپ تۇسكەن شاقىرتۋعا تاسىمال قۇرالىن ءبولۋ ناۋقاستىڭ دياگنوزىنا جانە قوڭىراۋ تۇسكەن اۋماققا تىكەلەي بايلانىستى.

ءاربىر سەكۋندى قىمبات سالادا قىزمەت ەتەتىندەرىن ۇشقىشتار دا جاقسى تۇسىنەدى. سول سەبەپتى وزدەرىنە جۇكتەلگەن مىندەتتى ءمىنسىز اتقارۋعا تىرىسادى. كۇنگەيلىك سانيتارلىق اۆياتسيا ءبولىمى 2015 جىلى 4 250 شاقىرتۋ العان. ونىڭ 30 پايىزى اۋە تاسىمالى ارقىلى جاسالسا، قالعان جەتپىس پايىزى ارنايى كولىكپەن جەتكىزىلگەن. ال 2016 جىلدىڭ العاشقى ايىندا 365 ناۋقاس سانيتارلىق اۆياتسيالىق ءبولىم ماماندارىنىڭ كومەگىنە جۇگىنگەن. اق حالاتتىلاردىڭ بۇل قىزمەتى تەگىن كورسەتىلەدى.

اباي اقپارات