قازاقستان باسەكەگە قابىلەتتى 50 ەلدىڭ قاتارىنا كىرۋ ءۇشىن تەك قانا ەكونوميكا سالاسىنا ءمان بەرگەن جەتكىلىكسىز. بۇل تۋرالى «rgmedia.kz» سايتى حابارلايدى.

 سونىمەن قاتار، ەلىمىزدە ءسوز بوستاندىعىن دا دامىقان ماڭىزدى. سەبەبى، ءسوز بوستاندىعى بولعان جەردە دەموكراتيا ورنايدى. دامىعان ەلدەردە دەموكراتيا تولىقتاي ۇستەمدىك ەتەدى. دەموكراتيا دەگەن نە؟ دەموكراتيا  بۇل حالىق بيلىگى. ياعني، حالىق اكىمدىك، باسقارما جۇمىستارىنا ارالاسا الۋ كەرەك. سونىمەن قاتار، ولارعا ەشقانداي توسقاۋىلسىز، كەدەرگىسىز تالاپ-تىلەكتەرىن ايتا بىلگەنى دە زور ءرول وينايدى. مىنە، ەلباسى نۇرسۇلتان نازارباەۆ «ناقتى 100 قادام» - ۇلت جوسپارىنىڭ 5 باعىتىندا حالىققا ەسەپ بەرەتىن ۇكىمەتتى قۇرۋ قاجەتتىگىن ايتىپ ءوتتى. 94 قادام «اشىق ۇكىمەتتى» ەنگىزۋ بويىنشا، وڭتۇستىك قازاقستان وبلىسىندا «اشىق اكىمدىك» جوباسى ىسكە استى. ەندى تۇرعىندار اكىمدىكپەن ەشقانداي كەدەرگىسىز بايلانىسا الادى. بۇل ەكى جاققا دا ءتيىمدى. حالىققا دا، باسشىلىق جاسايتىن مەكەمەلەرگە دە. ياعني، باسشىلىق بايقاماعان جايتتى تۇرعىن بايقاپ، ونى فوتو، بەينەگە ءتۇسىرىپ، اكىمدىكتىڭ الەۋمەتتىك جەلىدەگى پاراقشالارىنا، ءتۇرلى بايلانىس قىزمەتتەرىنە جىبەرە الادى. بۇعان اكىمدىكتىڭ ارنايى ماماندارى ساراپتاما جاساپ، تۇرعىنعا جاۋاپ بەرەدى.

تاياۋدا بىرىڭعاي «اشىق اكىمدىك» جوباسى بويىنشا بايلانىس ورتالىعىنا (تەل. 39-55-55) ءال-فارابي اۋدانىنا قاراستى قابانباي باتىر كوشەسىنىڭ تۇرعىندارى حابارلاسقان بولاتىن.  وندا №14 ءۇي تۇرعىندارى سۋ ولشەگىش قۇرالى ورنالاسقان قوراپتان كوپ مولشەردە اۋىز سۋدىڭ اعىپ جاتقاندىعىنا شاعىمدانعان. اتالعان ماسەلە 1 كۇن ىشىندە ءوز شەشىمىن تاپتى. ناتيجەسىندە شىمكەنت قالاسىنىڭ «Cۋ رەسۋرستار- ماركەتينگ» جشس مەكەمەسىنىڭ ماماندارى شۇعىل تۇردە سۋ بۇرانداسىن اۋىستىرىپ، اقاۋدى قالپىنا كەلتىردى.

اباي اقپارات