الماتى قالاسى اكىمدىگىندە كەلەلى جيىن ءوتتى.  جيىن الماتى قالاسىنا ينۆەستيتسيا تارتۋ ماسەلەلەرىن تالقىلاۋعا ارنالدى. بۇل تۋرالى «اباي اقپارات» حابارلايدى.

الماتى قالاسى اكىمىنىڭ توراعالىق ەتۋىمەن ينۆەس­تورلار تارتۋ جانە الماتى قالاسىنىڭ ينۆەس­تيتسيالىق جاعدايىن جاقسارتۋ كەڭەسىنىڭ ءبىرىنشى وتىرىسى بولىپ ءوتتى. كەڭەس قۇرامىنا حا­لىق­ارالىق قارجىلىق ۇيىمداردىڭ، شەت­ەلدىك كومپانيالار قاۋىمداستىعىنىڭ، كونسال­تينگتىك جانە زاڭدى كومپانيالاردىڭ، شەت­ەلدىك جانە قازاقستاندىق ءىرى كاسىپكەر­لەردىڭ 42 وكىلى كىردى. 

باسقوسۋ بارىسىندا قالالىق اكىمدىكتىڭ سوڭعى جىل­عى ينۆەستورلار تارتۋ جانە الماتىنىڭ ينۆەس­تيتسيالىق جاعدايىن جاقسارتۋ جۇمىستارىنىڭ قورى­تىندىسى جاسالدى. سونداي-اق، جيىندا ينۆەستكليماتتى جاق­سارتۋعا بايلانىستى ۇسىنىستار مەن باعىت-باعدارلار ايتىلدى.

كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى الماس ماديەۆ ۇستى­مىزدەگى جىلدىڭ 11 ايىندا الماتى قالاسى بويىنشا نەگىزگى قورعا تۇسكەن ينۆەستيتسيالىق قارجى 1,1 ميلليارد اقش دوللارىن قۇراعانىن مالىمدەدى. ونىڭ ايتۋىنشا، شەتەلدىك 100 ەلدىڭ 14 مىڭنان استام كومپانياسى تيىسىنشە قامتىلعان.

وتىرىس بارىسىندا كەڭەس مۇشەلەرى قالادا ينۆەستيتسيا تارتۋعا بارلىق جاقسى جاعدايلار جاسالىپ، قولداۋلار كورسەتىلىپ وتىرعانىن اتاپ ايتتى. جيىنعا قاتىسۋشىلاردىڭ ايتۋىنشا، شەتەلدىك ينۆەستورلاردىڭ قالاعا قىزىعۋشىلىعىن تۋدىراتىن نەگىزگى ءبىر فاكتور –60-تان استام حالىقارالىق جانە ترانسۇلتتىق كوم­پانيالار وفيستەرىنىڭ جانە 90 پايىزدان استام بانكتەردىڭ باس وفيستەرىنىڭ الماتىدا ورنالاسقاندىعى.

ء«Deloىtte» كومپانياسىنىڭ كاسپي ايماعى بويىنشا سەرىكتەستىگى باسقارۋشىسى مارك ءسميتتىڭ ايتۋىنشا، قالادا تۋريزم مەن اۋىل شارۋاشىلىعى كەشەنىن دامىتۋعا ۇلكەن مۇمكىندىكتەر بار. ونىڭ ايتۋىنشا، الماتىدا تۋريزم يندۋسترياسى قالا ەكونوميكاسىنىڭ نەگىزگى ءبىر سالاسى بولۋى كەرەك.

– الماتىدا جوعارى ساپالى تاعام ونىمدەرىنىڭ ءون­دىرىسى جولعا قويىلعان، قازىر ولاردى دۇكەن سورەلەرىنەن ساتىپ الۋعا بولادى. مەن قالانىڭ ءبىر دۇكەنىنەن بارلىق الەمدىك ستاندارتتارعا سايكەس كەلەتىن جەرگىلىكتى ءونىم ساتىپ العانىمدا، كەرەمەت تاڭعالدىم. بۇل الماتىدا اگرو­ونەركاسىپتىك كەشەندى دامىتۋدا بەلسەندى جۇمىستار اتقارىلىپ جاتقانىن بايقاتادى، – دەپ قورىتىندىلادى م.سميت.

ءوز كەزەگىندە رەسەي مەن ەۋرازياداعى (CERBA) كانادا ىسكەرلىك قاۋىمداستىعىنىڭ ايماقتىق ديرەكتورى تاسقىن قوشمان كانادا ىسكەرلىك قاۋىمداستىعىنىڭ اتىنان الماتى اكىمدىگىن ۆانكۋۆەر قالاسىنا ارىپتەستىك قاتىناس جانە باۋىرلاس قالالار باستاماسىن تالقىلاۋ ءۇشىن شاقىردى. ونىڭ ايتۋىنشا، كەلەسى جىلعى مامىر ايىنا جوبالانىپ وتىرعان بۇل ساپاردا قوعامدىق كولىك، تۋريزم، اقىلدى قالا جانە باسقا ماسەلەلەردى تالقىلاۋ جوسپارلانىپ وتىر.

ايتا كەتەيىك، بۇگىندە ورتالىق ازياداعى ەڭ ءىرى مەگاپوليسكە ينۆەستيتسيا قۇيۋعا نيەتتى شەتەلدىك كومپانيالاردىڭ قاراسى ارتقان. ۇستىمىزدەگى جىلى پولشا مەملەكەتىنىڭ كاسىپكەرلەرى الماتىعا ينۆەستيتسيا بولۋگە بەكىنگەن-ءتىن. الماتى اكىمدىگىندە پولشا دامۋ ۆيتسە-ءمينيسترى ۆيتولد سلوۆيك باسقارعان بيزنەس دەلەگاتسياسىمەن كەزدەسۋ ءوتىپ، وندا شەتەلدىك قوناقتار قازاقستان مەن پولشانىڭ ورتالىق ازيا، ورتالىق شىعىس ەۋروپاداعى بەدەلدى مەملەكەتتەر ەكەندىگىن اتاعان ەدى. ءوزارا بيزنەس ىنتىماقتاستىقتىڭ ءتيىمدى تۇستارىن دامىتۋدى ۇسىنىپ، ۆيتولد سلوۆيك الماتىنىڭ ينۆەستيتسيالىق الەۋەتىن جوعارى باعالادى. پولشا تاراپى جەڭىل رەلستى كولىك جۇيەسىن دامىتۋعا ۇلكەن قىزىعۋشىلىق ءبىلدىردى. اتالعان جوبا جاقىن ارادا جۇزەگە اسۋى ىقتيمال.

ساناققا جۇگىنسەك، وسى جىلدىڭ قاڭتار-اقپان ايلارىندا الماتى مەن پولشانىڭ اراسىنداعى تاۋار اينالىمى وتكەن جىلعى كورسەتكىشپەن سالىستىرعاندا ەكى ەسەگە ارتىپتى. بۇگىندە الماتىدا 49 بىرىككەن كاسىپورىن بار. 26 كاسىپورىن پولشا كاپيتالىمەن جۇمىس ىستەۋدە.

Abai.kz