جۋىردا ارىستاعى كاسىپكەرلىك مەكتەبىنىڭ ءماجىلىس زالىندا قالالىق قوعامدىق كەڭەستىڭ كەزەكتى جيىنى ءوتتى. بۇل تۋرالى «rgmedia.kz» سايتى حابارلايدى.

بۇل تۋرالى ارىس قالاسى اكىمىنىڭ ءباسپاسوز قىزمەتى حابارلادى.كەڭەس وتىرىسىنا قوعامدىق كەڭەس توراعاسى ج.دوستانوۆ، قوعامدىق كەڭەس مۇشەلەرى مەن باق وكىلدەرى قاتىستى.
قوعامدىق وي-پىكىر، ۇسىنىس جانە كوپشىلىك سۇراقتارىنا جاۋاپ بەرۋگە ارنالعان جيىندى قالالىق قوعامدىق كەڭەس توراعاسى ج.دوستانوۆ اشتى.
كەڭەس تورعاسى وتكەن كەڭەس وتىرىسىندا بەرىلگەن ۇسىنىستاردىڭ ورىندالۋ بارىسىنا توقتالىپ، مالىمدەمە جاسادى.
كەڭەستىڭ كۇن تارتىبىنە سايكەس: بيۋدجەتتىڭ كىرىس جانە شىعىس بولىگىنىڭ ورىندالۋ بارىسى تۋرالى قالالىق ەكونوميكا جانە قارجى ءبولىمىنىڭ ورىنباسارى ا.كايپەكوۆا، ارىس قالاسى «جاستار رەسۋرستىق ورتالىعى» كمم-ءنىڭ ديرەكتورى ن.ەركەباەۆ جانە اۋداندىق دەنساۋلىق ساقتاۋ مەكەمەلەرىنىڭ قىسقى جىلۋ ماۋسىمىنا دايىندىقتارى تۋرالى اۋداندىق دەنساۋلىق ساقتاۋ مەكەمەلەرىنىڭ باس دارىگەرلەرى ە.باتىربەكوۆ پەن ە.الىمبەكوۆتىردىڭ باياندامالارى تىڭدالىپ، تالقىلاندى.
سونىمەن قاتار، القالى جيىن بارىسىندا قوعامدىق كەڭەس مۇشەلەرى تاراپىنان بايانداماشىلارعا سۇراقتار قويىلىپ، ۇسىنىستار بەرىلىپ، ولاردىڭ ورىندالۋى باقىلاۋعا قويىلدى.

ايت كەتەيىك، ەلباسىنىڭ «100 ناقتى قادام» ۇلت جوسپارىنىڭ 94-ءشى قادامىنداعى مىندەتتەردى جۇزەگە اسىرۋ ءۇشىن قابىلدانعان «اقپاراتقا قولجەتىمدىلىك تۋرالى» زاڭىندا حالىققا بيۋدجەت تۋرالى مالىمەتتەردى اشىق تۇردە جاريالاۋ، تالقىلاۋ مىندەتتەلگەن. اتالعان زاڭدا سونداي-اق، اتقارۋشى ورگاندارعا ناقتى ۇسىنىستار بەرەتىن قوعامدىق كەڭەستەردىڭ جۇمىسىن جاريالى تۇردە جۇرگىزۋ قاجەتتىگى ايتىلعان.

اباي اقپارات