ەلباسى نۇرسۇلتان نازارباەۆتىڭ 5 ينستيتۋتسيونالدى رەفورماسىن جۇزەگە اسىرۋعا باعىتتالعان «ناقتى 100 قادام» - ۇلت جوسپارىنىڭ 94 قادامىندا حالىققا ەسەپ بەرەتىن ۇكىمەت قۇرۋ كەرەكتىگى، سول ءۇشىن «اشىق ۇكىمەتتى» ەنگىزۋ جوسپارى بەكىتىلدى. بۇل تۋرالى «rgmedia.kz» سايتى حابارلايدى.

 بۇل قادام بويىنشا رەسپۋبليكاداعى بارلىق اكىمدىكتەر، باسقارمالار، ءتۇرلى جوعارى لاۋازىمدى باسشىلار ىستەگەن ىستەرى جونىندە ءتۇرلى مەرزىم ارالىعىندا حالىققا ەسەپ بەرىپ، پىكىر الماسىپ وتىرعانى ءجون. بۇل جەردە باستى ماقسات – جاريالىق. حالىق ءبارىن ءبىلۋى كەرەك. جاسىرۋعا بولمايدى. ءارى ولار اقپاراتقا وڭاي قول جەتكىزىپ، جۇمىستارىن تەز بىتىرگەنى ماڭىزدى. بۇل قادامداعى تاپسىرمانى وڭتۇستىك قازاقستان وبلىسى ەلىمىزدە ءبىرىنشى بولىپ جۇزەگە اسىرىپ، «اشىق اكىمدىك» جوباسىن جۇزەگە اسىردى.

«اشىق اكىمدىك» جوباسى اياسىندا شىمكەنتتە ماماندىرىلعان حالىققا قىزمەت كورسەتۋ ورتالىعىنىڭ جۇمىسى قىزا تۇسكەن. پيلوتتىق جوبا بيىل تامىز ايىندا قولعا الىنعان ەدى. ەندى ءوڭىر تۇرعىندارى ءار مەكەمەنىڭ تابالدىرىعىن توزدىرماي، وسىندا كولىكتى راسىمدەپ، وعان قوسا جۇرگىزۋشى كۋالىگىن دە الا الادى. ءتۇرلى انىقتامالاردان باستاپ ناركولوگيالىق ديسپانسەردەن ەمتيحان تاپسىرۋعا دەيىنگى بارلىق شارالار وسى مامانداندىرىلعان ورتالىقتا جاسالادى.

دوستىق شاعىن اۋدانىندا ورنالاسقان مامانداندىرىلعان حالىققا قىزمەت كورسەتۋ ورتالىعىنىڭ قىزمەت كورسەتە باستاعانىنا ەكى اي بولعان. وسى قىسقا مەرزىمدە بيۋدجەتكە قوماقتى قارجى ءتۇسىپتى. مۇندا پاراقورلىققا توسقاۋىل قويۋ ماقساتىندا قىزمەت تۇرلەرى زاڭ شەڭبەرىندە كورسەتىلەدى. كولىك جۇرگىزۋشىسى ۇمبەتباي قادىرقۇلوۆ مامانداندىرىلعا نورتالىقتىڭ جۇمىسىنا ريزا، قىزمەتكەرلەر ونىڭ كولىك كۋالىگىن ءبىر ساتتە راسىمدەدى.

كولىكتى راسىمدەۋدەن بولەك مۇندا كولىك كۋالىگىندە الۋعا بولادى. جانە كولىكتى باسقارۋدى ۇيدە ۇيرەنگەندەردىڭ دە قۇجاتتى وسىندا الۋىنا مۇمكىندىك جاسالعان. ەمتيحاندى تاپسىرعان بويدا كولىكتى ايداۋدىڭ قىر-سىرىن وسىنداعى ارنايى ماكەت ارقىلى، سوسىن مامانداندىرىلعان ورتالىقتىڭ اۋماعىندا ورنالاسقان اۆتودرومدا تاجىريبە جيناقتايدى. كولىك جۇرگىزۋشىلەرى ەندى ناركولوگيالىق ديسپانسەردى ىزدەپ سابىلمايدى، ماماندار وسى جەردە قابىلداپ ءتيىستى انىقتامانى بەرەدى.

اباي اقپارات