مەملەكەتتىك قىزمەتتەردىڭ ساپاسىن ارتتىرۋ ماقساتىندا قۇرىلعان "اشىق اكىمدىك" جوباسى شەڭبەرىندە وقو-دا بىرنەشە قۇجاتتاردى الۋ وڭايعا تۇسۋدە. بۇل تۋرالى «rgmedia.kz» سايتى حابارلايدى.

اتاپ ايتقاندا "بولاشاق" حالىقارالىق ستيپەندياسىنىڭ ستاتۋسى تۋرالى انىقتامانى حقكو-نان الۋعا بولادى. اتالعان انىقتامانى الۋ ءۇشىن ازاماتتىڭ وزىمەن بىرگە جەكە باسىن كۋالاندىراتىن قۇجاتى بولۋى جانە قاجەتتى وتىنىشتەردى تولتىرۋى ءتيىس. 

ەگەر كليەنت حقكو-عا جەكە ءوزى كەلە الماسا، قىزمەتتى الۋعا جۇگىنگەن وكىلگە نوتاريالدى كۋالاندىرىلعان سەنىمحات كەرەك. «حقكو» رمك باس ديرەكتورىنىڭ ايتۋى بويىنشا بۇرىن بۇل قىزمەت قر ءبىلىم جانە عىلىم مينيسترلىگىنىڭ حالىقارالىق باعدارلامالار ورتالىعىندا عانا ۇسىنىلاتىن، ەندى «بولاشاق» حالىقارالىق ستيپەندياتىنىڭ مارتەبەسى تۋرالى انىقتامانى قر-دىڭ بارلىق 267 حقكو-سىنان الۋعا بولادى. 

مەملەكەتتىك قىزمەتتى كورسەتۋ مەرزىمى استانا تۇرعىندارى ءۇشىن 1 جۇمىس كۇنىن (قۇجاتتاردى قابىلداۋ كۇنى مەملەكەتتىك قىزمەت كورسەتۋ مەرزىمىنە كىرمەيدى), باسقا وڭىرلەردىڭ تۇرعىندارى ءۇشىن – كۇنتىزبەلىك 15 كۇندى (قۇجاتتاردى قابىلداۋ كۇنى مەملەكەتتىك قىزمەت كورسەتۋ مەرزىمىنە كىرمەيدى) قۇرايدى. مەملەكەتتىك قىزمەت تەگىن ۇسىنىلادى. ا

يتا كەتەيىك،  بۇگىنگى كۇنى قازاقستاندا 191 مەملەكەتتىك قىزمەتتى كورسەتەتىن 267 حالىققا قىزمەت كورسەتۋ ورتالىعى قىزمەت جاساۋدا. اعىمداعى جىلدىڭ 8 ايىنا قر حقكو-لارىندا 24 ميلليوننان استام قىزمەت كورسەتىلدى.

اباي اقپارات