ەلباسىنىڭ تاپسىرماسى اياسىندا وڭتۇستىك قازاقستان وبلىسىندا ءوز جۇمىسىن باستاعان "اشىق اكىمدىك" جوباسى نەگىزىندە شىمكەنتتە فرونت-وفيس اشىلعان بولاتىن. وڭتايلى قىزمەت تۇرلەرى ەندى وبلىس ورتالىعىندا عانا ەمەس وبلىستىڭ وزگە دە اۋداندارىندا كورسەتىلۋدە. بۇل تۋرالى «rgmedia.kz» سايتى حابارلايدى.

ماسەلەن ءدال وسىنداي فرونت-وفيس قازىعۇرت اۋدانىندا دا اشىلىپ، حالىققا قىزمەت كورسەتۋدە. «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت-وفيستەرىندە قازىعۇرتتىقتار بارلىق قاجەتتى انىقتامالارعا قول جەتكىزىپ، قۇجاتتاردى راسىمدەي الادى. مەملەكەتتىك كورپوراتسيانىڭ فرونت-وفيستەرى ساعات 9.00-دەن 20.00-گە دەيىن تۇسكى ءۇزىلىسسىز، اپتاسىنا التى كۇن جۇمىس ىستەيدى جانە  530 مەملەكەتتىك قىزمەت ءتۇرىن كورسەتەدى. قازىرگى تاڭدا قازىعۇرت اۋدانى بويىنشا مەملەكەتتىك كورپوراتسيانىڭ 2 فرونت-ءوفيسى قىزمەت اتقارادى.

ولار قازىعۇرت اۋىل وكرۋگى، قازىعۇرت اۋىلى، د.قوناەۆ كوشەسى № 90/1 جانە قازىعۇرت اۋىل وكرۋگى، قازىعۇرت اۋىلى، س.راحىموۆ كوشەسى № 1. اتالعان وفيستەردە بىر تەرەزە جۇيەسى بويىنشا مەملەكەتتىك قىزمەتتىڭ 400 ءتۇرىن، ساۋلەت جانە قالا قۇرىلىسى، جەر قاتىناستارى، كاسىپكەرلىك جانە جۇمىسپەن قامتۋ سىندى وزگە دە سالالار قامتىلعان. «فرونت-ءوفيستىڭ» قىزمەتىنە جۇگىنۋ ارقىلى كەز-كەلگەن تۇرعىن ءوز ۋاقىتىن ۇنەمدەۋىنە بولادى.

قۋانتارلىعى، بۇل ەلەكتروندى جوبا بيۋروكراتيالىق قاعازباستىلىقتان قۇتىلۋ، سىبايلاس جەمقورلىق قىلمىستارىنىڭ سانىن ازايتۋ، بيلىك ورگاندارى مەن حالىقتىڭ اراسىنداعى كەدەرگىلەردى ازايتۋعا مۇمكىندىك بەرمەك. فرونت-ءوفيستىڭ ءتيىمدى تۇسى مۇندا بارلىق قىزمەت ەلەكتروندى تۇردە جۇزەگە اسىرىلادى. 

اباي اقپارات