مەكەنجاي الەۋمەتتىك كومەكتى الۋشىنىڭ مارتەبەسىن راستاۋ قاجەتتىلىگى جاعدايىندا، ەندى وڭتۇستىك ءوڭىرىنىڭ تۇرعىندارى تۇرعىلىقتى مەكەنجايى بويىنشا اكىمشىلىككە، الەۋمەتتىك باعدارلامالار جانە جۇمىسپەن قامتۋ ءبولىمى نەمەسە جاقىن ماڭداعى حقكو-عا جۇگىنۋىنە بولادى. بۇل تۋرالى «rgmedia.kz» سايتى حابارلايدى.

 ەگەر دە سىزگە حقكو ارقىلى مەملەكەتتىك قىزمەتتى الۋ ىڭعايلى بولسا، وندا ماماندار مىنا قاراپايىم ەرەجەلەردى بىلە جۇرۋگە كەڭەس بەرەدى.

ءبىرىنشى كەزەكتە، ءاربىر مەملەكەتتىك قىزمەت ءتۇرىن راسىمدەۋ بارىسىنا قاجەتتى حقكو ينسپەكتورىنا جەكە كۋالىگىڭىزدى ۇسىنىپ ءوتىنىش تولتىرۋ قاجەت. دايىن انىقتامانى الۋ ءۇشىن، ءوتىنىش بەرگەننەن كەيىن 4 جۇمىس كۇن ىشىندە كەلۋگە بولادى. اتالعان قىزمەت ءتۇرى اقىسىز نەگىزدە جاسالادى. ازاماتتاردى قابىلداۋ «بىرىڭعاي ەلەكتروندىق كەزەك» تارتىبىندە جۇزەگە اسادى. حقكو-نىڭ بارلىق بولىمدەرى تۇسكى ءۇزىلىسسىز، دۇيسەنبى جانە سەنبى ارالىعىندا 09:00-دەن 20:00-گە دەيىن جۇمىس جاسايتىندىعىن ەسكەرتەمىز. ەلەكتروندىق انىقتامانى الۋ ءۇشىن حقكو –عا جۇگىنۋ مىندەتتى ەمەس، ولاردى وزدىگىنەن ەلەكتروندىق ۇكىمەت پورتالىنان ۇيدە وتىرىپ الۋعا بولادى.

پورتال ارقىلى ە-قىزمەتتى وزدىگىنەن الۋ ءۇشىن ازاماتقا ەلەكتروندىق تسيفرلىق قولتاڭبا قاجەت. ەلەكتروندىق تسيفرلىق قولتاڭبا - ءوز كومپيۋتەرىڭىزدەن ەلەكتروندىق ۇكىمەت پورتالى ارقىلى بارلىق قىزمەتتەردى الۋعا بولاتىن، ءوز قولىمىزبەن قويىلعان قولتاڭبانىڭ ۇيلەستىگى. ەتسق ەكى تاسىلمەن الۋعا بولادى. 

ءبىرىنشى ءتاسىل-جاقىن ماڭداعى حقكو ءبولىمى ارقىلى جاڭا ۇلگىدەگى جەكە كۋالىكتىڭ چيپىنە جازدىرۋ. ەكىنشى ءتاسىلى-وزدىگىنەن قر ۇكو pki.gov.kz الەۋمەتتىك جەلىسىنە ونلاين-ءوتىنىشتى راسىمدەۋ قاجەت. راسىمدەۋگە جولدانعان ءوتىنىشتى ءوز كومپيۋتەرىڭىزدىڭ جۇمىس ۇستەلىنە ساقتاپ، راستاۋ ءۇشىن حقكو-عا جۇگىنۋ قاجەت. بۇل ۇدەرىس اقپاراتتىق قاۋىپسىزدىكتى ساقتاۋ ماقساتىندا جاسالىنادى. ەتسق كۇشىنىڭ مەرزىمى 1 جىل جانە اقىسىز نەگىزدە جاسالىنادى.

اباي اقپارات