وڭتۇستىك قازاقستان وبلىسىندا وبلىس اكىمىنىڭ قاداعالاۋىمەن شاپشاڭ تۇردە جۇزەگە اسىپ جاتقان «اشىق اكىمدىك» جوباسى اياسىندا ارىس قالاسى اكىمىنىڭ ءباسپاسوز قىزمەتى ارىس قالاسىنىڭ تاۋەلسىزدىك جىلدارداعى جەتىستىگىن حالىق نازارىنا ۇسىندى. وسى ارقىلى اۋدان تۇرعىندارىمەن قاتار، وزگە دە وڭىرلەردەگى ازاماتتارعا حالىقتىق باقىلاۋ جاساۋعا مۇمكىندىك تۋدى. 

بۇل تۋرالى «rgmedia.kz» سايتى حابارلايدى.

ءباسپاسوز قىزمەتىنىڭ حابارلاۋىنشا، ەلباسى ن.ءا.نازارباەۆ «تاۋەلسىزدىكتى جاريالاۋ بار، بىراق سول تاۋەلسىزدىكتى ساقتاپ قالۋ، ونى نىعايتۋ ودان دا قيىن. ءبىز ساقتاپ تا قالدىق، ەكونوميكاسىن تۇراقتاندىرىپ، نىعايتىپ، دۇنيەجۇزىنە سىيلى مەملەكەت بولا دا بىلدىك». تاۋەلسىزدىكتىڭ بارىمىزگە ارتار مىندەتى مول. اۋلەتىمىزدىڭ اسۋى دا داۋلەتىمىزدىڭ تاسۋى دا ءوز قولىمىزدا دەگەن بولاتىن.
بيىل ارىس قالاسىنىڭ اۋىل شارۋاشىلىق سالاسىنىڭ ەڭبەككەرلەرى 21 مىڭ 330 گەكتار جەرگە اۋىل شارۋاشىلىعى داقىلدارىن ەكتى. ونىڭ 900 گەكتارى تامشىلاتىپ سۋعارۋ ادىسىمەن ەگىلدى، 3,2 گەكتار جەرگە جىلىجاي سالىنىپ پايدالانىلۋدا جانە 41 دانا اۋىلشارۋاشىلىق تەحنيكالارىن الدى. جىلدىڭ قورىتىندىسى بويىنشا 6670 گەكتاردان 13801 توننا بيداي، 100 گەكتاردان 50 توننا ارپا، قاجەتتى 162 مىڭ توننا ورنىنا 173 مىڭ توننا مال ازىعى، 2 مىڭ 905 گەكتاردان 12 مىڭ 820 توننا جۇگەرى ءدانى، 203 گەكتاردان 395 توننا ماقتا، 2 مىڭ 441 گەكتاردان 721 توننا ماقسارى، 82 گەكتاردان 1697 توننا كارتوپ، 5 مىڭ 239 گەكتاردان 147 مىڭ توننا باقشا داقىلدارى جانە 612 گەكتاردان 18298 توننا كوكونىس جيناپ الىنسا، 4216 گەكتار جەر ايدالىپ، ونىڭ 2000 گەكتارىنا كۇزدىك ەگىس ەگىلدى. ەگىن ەگۋ جۇمىستارى جالعاسۋدا.

اباي اقپارات