وڭتۇستىك قازاقستان وبلىسىندا حالىققا ۇسىنىلاتىن قىزمەتتەر وڭتايلاندىرىلۋدا. ەلباسىنىڭ «100 ناقتى» قادام ۇلت جوسپارىنداعى «اشىق ۇكىمەت» جوباسى اياسىندا مەملەكەتتىك قىزمەت تۇرلەرىن كورسەتۋ كەزىندە اكىمشىلىك كەدەرگىلەردى جويۋ ماقساتىندا وڭىردە «اشىق اكىمدىك» جوباسى جۇزەگە اسىرىلىپ كەلە جاتقانى بەلگىلى.

بۇل تۋرالى «rgmedia.kz» سايتى حابارلايدى.

وبلىس اكىمىنىڭ  اپپارات باسشىسى  ەركەعالي الىمقۇلوۆ ءبىر سوزىندە الداعى ۋاقىتتا جوبا اياسىندا ءتۇرلى تولەمدەردى ونلاين تولەۋگە مۇمكىندىك جاسايمىز دەگەن بولاتىن. مىنە، وسى تاپسىرماعا وراي ەندى ءوسىمپۇلدى، ايىپپۇلدى، سالىق بەرەشەگىن ونلاين تولەۋگە جول اشىلىپ وتىر.  ول ءۇشىن پورتالدا وتىنىمدە سالىق ءتۇرىن، سالىق ورگانىن تاڭداۋ (سالىق سالىناتىن وبەكتىنى تىركەۋ ورنى بويىنشا) جانە تولەمدى تاعايىنداۋ، سونداي-اق سالىق كەزەڭىن جانە تولەنۋگە جاتاتىن سومانى كورسەتۋ ء(وسىمپۇل مولشەرى دەربەس ەسەپتەلەدى) قاجەت. ونلاين تولەمدەردىڭ ۇسىنىلعان تاسىلدەردىڭ ءبىرىن تاڭداۋ (تومەننەن قاراڭىز).  تولەم كارتاسىنىڭ مالىمەتتەرىن ەنگىزۋ: ءنومىرى، يەسىنىڭ ءتاا، قولدانىلۋ مەرزىمى جانە CV-كود ء(بىرىنشى ءتاسىلدى تاڭداۋدا). جەكە كابينەتتە تولەم تۋرالى چەكپەن تانىسۋ. قاجەتتىلىگى بولعاندا ءسىز سالىق تولەمى ايعاعىن راستاۋ ءۇشىن باسىپ شىعارىلعان چەكتى سالىق كوميتەتىندە ۇسىنۋعا بولادى. سىزگە قولايلىعىنا قاراي تولەمدى ۇسىنىلعان نۇسقالاردىڭ بىرىمەن جۇرگىزە الاسىز. بارلىق بانكتەردىڭ VISA, VISA Electron, MasterCard, Maestro تولەم كارتالارىنىڭ كومەگىمەن تولەۋ، American Express تەك «كازكوممەرتسبانك» اق كليەنتتەرى ءۇشىن عانا، Altyn تەك  «قازاقستان ۇلتتىق بانكى» اق كليەنتتەرى ءۇشىن.

 حالىققا قول جەتىمدىلىكتى ۇسىنۋ «اشىق اكىمدىك» جوباسىنىڭ قاعيداسى بولىپ قالا بەرمەك.

اباي اقپارات