"شارۋا قوجالىقتارىنىڭ كۇش بىرىكتىرۋى، تۇسەتىن ءونىم كولەمىنىڭ ەسەلەنۋىنە دە جول اشادى" دەيدى "ينتەر" اشوك توراعاسى بەرداليەۆ تۋرسىنباي مۋحتارۇلى. ول بۇگىنگى كۇنى 4320 گەكتار جەرى بار بىرنەشە شارۋا قوجالىقتارىن بىرىكتىرىپ كووپەراتيۆ قۇرىپ وتىر. ايتا كەتەر جايت ولار بىرىگىپ قانا قويماي 4000 نان استام گەكتار جەردى الداعى ۋاقىتتا ءتيىمدى يگەرۋ جۇمىستارىن دا بىرىگىپ اتقارۋدا.

ماقتارال اۋدانى بويىنشا جالپى شارۋا قوجالىقتارىنىڭ سانى 200-دەن استام بولسا، ولاردىڭ بىرقاتارى بىرىگۋ ناتيجەسىندە، جۇمىس كۇشىن دە ارتتىرۋعا قول جەتكىزىپ وتىر. ولار ء"بىزدىڭ شارۋا قوجالىقتا بىرنەشە وتباسىنىڭ جەرى بار. جەكە شارۋا قوجالىعى بولىپ تۇرعان كەزدە ينۆەستورلار تابۋ قيىن بولدى. ەگىن ەگە الماي قالۋ قاۋپى تۋىنداعان كەزدەر دە بولدى، — دەيدى كۇش بىرىكتىرگەن شارۋالار. قازىر بىرىگىپ، ءبىر ۇجىمعا اينالعان كووپەراتيۆ مۇشەلەرى تۇقىمىمىز بەن جەرىمىزدى، تەحنيكامىزدى دايىنداپ، كانالىمىزدى تازارتىپ مول ءونىم الۋدىڭ، جەردى دۇرىس يگەرۋدىڭ قىر سىرىن ا قانىعىپ جاتىرمىز دەيدى. سونىمەن قاتار، شارۋا قوجالىعىنىڭ باسشىلارى ولار بىرىگىپ، كۇشەيگەلى بەرى مەملەكەتتىڭ قولداۋىن سەزىنىپ جاتقانىن ايتادى. جەڭىلدەتىلگەن نەسيە الۋلارىنا، سۋبسيديا كولەمىن دە ارتتىرۋعا مۇمكىندىك تۋىپ وتىرعانىن جاسىرمايدى. دەمەك، ۇساق شارۋا قوجالىقتارى بىرىگۋ ارقىلى ماسەلەسىن شەشە الاتىنىنا كوز جەتكىزگەن.

جالپى وڭتۇستىكتىڭ ءار اۋدانىنداعى شارۋا قوجالىقتارى جۇزدەپ سانالادى. ولاردىڭ كوبەيۋىمەن بىرگە جەرگىلىكتى جەردە جۇمىس كوزدەرى دە كوبەيگەنىن ايتا كەتكەن ءجون.

Abai.kz