قيت ەتسە قىتايدىڭ الماسى مەن شەتەل اسىپ كەلەتىن گەندىك موديفيكاتسيالانعان جەمىس جيدەكتى تالعاجۋ ەتەمىز دەپ دابىل قاعىپ جۇرگەنىمىزدە وڭتۇستىكتىك شارۋالاردىڭ رەكوردتىق دەڭگەيدەگى ءونىم الىپ، جەردى ءتيىمدى يگەرىپ، اۋىلشارۋاشىلىعى سالاسىنا جان ءبىتىرىپ جاتقانى ەلىمىز ءۇشىن ۇلكەن جەتىستىك بولىپ وتىر. ەكسپورتقا توسقاۋىل قويۋدان بۇرىن ءدال قازىرگى تاڭدا حالقىمىزدى تابيعي ونىمدەرمەن قامتاماسىز ەتۋدىڭ پايداسى مول.

وسى ورايدا جەمىس جيدەك ازداۋ وندىرىلەتىن وبلىستارعا كۇنگەيدە وسىرىلىگەن ءوزىمىزدىڭ جەمىس-جيدەك، كوكونىستەرىمىزدى جەتكىزىپ، نارىقتاعى ونىمدەردىڭ باعاسىن ارزانداتۋعا دا مۇمكىندىك تۋىپ تۇر. باسقا كەزەڭدى ايتپاعاندا جارمەڭكە كەزىندە وڭتۇستىكتەن ەلوردالىقتارعا الىپ كەلگەن اۋىل شارۋاشىلىق ونىمدەرىنىڭ جالپى قۇنى 100,8 ملن.تەڭگەنى قۇراعان. ارزاندىعىن ايتپاعاندا تابيعي، وزىمىزدە وندىرىلگەن ونىمدەر حالىقتىڭ ۇلكەن سۇرانىسىن تۋدىرعان. جالپى ايتقاندا كولەمى 304 توننا بولاتىن ونىمدەردىڭ قۇرامىندا 60 توننا ەت جانە ەت ونىمدەرى، 126 توننا كوكونىس، 29 توننا جەمىس-جيدەك، 7 توننا ءسۇت ونىمدەرى، 5 توننا شۇبات، 25 مىڭ دانا جۇمىرتقا، 40 توننا باقشا ونىمدەرى، 7 توننا بالىق، 7 توننا بال، 3 توننا وسىمدىك مايى مەن 5 توننا كەپتىرىلگەن جەمىس 15 توننا باسقا دا ونىمدەر بار. ەكى كۇنگە جالعاساتىن اۋىل شارۋاشىلىعى جارمەڭكەسىنە 50-دەن استام ءوڭىردىڭ تاۋار وندىرۋشىلەرى ساپالى ءارى بالعىن ونىمدەرىن استانالىق تۇرعىندارعا ۇسىنعان. جارمەڭكەگە جەرگىلىكتى حالىق تا، شارۋالار دا ريزاشىلىقتارىن ءبىلدىردى. تەك كەلەشەكتە جارمەڭكە كەزىندە عانا ەمەس، تۇراقتى تۇردە وڭتۇستىكتىك ونىمدەر حالىققا قولجەتىمدى بولسا نۇر ۇستىنە نۇر بولار ەدى.

Abai.kz