سوڭعى جىلدارى وڭتۇستىكتەگى شارۋالار جەردى ءتيىمدى يگەرىپ، ءتۇرلى داقىلداردى ەگۋگە كوڭىل بولە باستادى. سونىڭ ىشىندە كوكونىس ءوسىرۋ شارۋاشىلىعىنىڭ ءىسى ورگە باسىپ تۇر. 

ماسەلەن وڭتۇستىك قازاقستان وبلىسى ورداباسى اۋدانى شۇبار اۋىلدىق وكرۋگىنە قاراستى شارۋا قوجالىعىنىڭ باسشىسى تۇگەلباي پەرنەباي نۇرانۇلى كوكونىس وسىرۋدەن گەكتارىنا 230 تسەنتنەردەن ءونىم الىپ، زور جەتىستىككە جەتىپ وتىر. جانە وڭىردەگى وزات كوكونىس ءوسىرۋشى رەتىندە جاقىندا ەڭ ۇزدىك ون شارۋانىڭ ءبىرى اتانىپ، اۋدان اكىمىنىڭ ماراپاتىنا يە بولدى. تۇگەلباي پەرنەباي نۇرانۇلى الداعى ۋاقىتتا ءتۇرلى تەحنولوگيالاردى قولدانا وتىرىپ، ەڭبەك ونىمدىلىگىن الدە دە ارتتىرا ءتۇسۋدى ويلاپ وتىرعاندارىن جاسىرمايدى. قازىردىڭ وزىندە ەڭبەك وزاتى اتانىپ وتىرعان شارۋا قوجالىعىنىڭ باسشىسى ءوڭىردىڭ ماقتاۋلى شارۋالارىنىڭ ءبىرى بولۋدا.

وتكەن جىلى وڭتۇستىك وڭىرگە جاساعان ساپارى بارىسىندا مەملەكەت باسشىسى نۇرسۇلتان نازارباەۆ مۇنداعى جۇمىسسىزدىق ماسەلەسىنىڭ وڭ شەشىلىپ كەلە جاتقانىنان حاباردار بولىپ، ىستەلىنىپ جاتقان بىرقاتار شارالاردىڭ كۋاسى بولىپ، ءوڭىردىڭ دامۋ قارقىنىن جوعارى باعالاعان ەدى. ولاي ەتەتىن سەبەپ تە بار. ويتكەنى جىل وتكەن سايىن وڭتۇستىك قازاقستان وبلىسىندا شارۋا قوجالىقتارىنىڭ سانى ارتىپ كەلەدى. سايكەسىنشە مەملەكەتتەن بولىنەتىن سۋبسيديا كولەمىنىڭ دە ارتىپ كەلە جاتقانىن ايتا كەتۋ كەرەك. الداعى ۋاقىتتا ءوز ەلىمىزدى ءوزىمىز كوكونىس وسىرۋمەن قامتاماسىز ەتۋ باستى ماقسات بولىپ وتىر. سوندىقتان وڭىردەگى شارۋا قوجالىقتارىنان كۇتەر ءۇمىت مول بولىپ وتىر.

Abai.kz