«وڭتۇستىك - باتىس» عىلىمي زەرتتەۋ ينستيتۋتىنىڭ ماماندارى وتىرار اۋدانىنداعى سورتاڭدانعان جەرلەردى يگەرۋ ءىسىن قولعا الىپ وتىر. جوبا اياسىندا اتالمىش اۋداننىڭ 110 گەكتار جەرىنە وسىدان 1 جىل بۇرىن وسىمدىكتىڭ 8 ءتۇرىن ەككەن بولاتىن. ناتيجە كوڭىل قۋانتادى.

وبلىستا 1 ميلليون 300 گەكتار جەر سورتاڭدانىپ بىتكەن، دەپ جازادى وبلىستىق اكىمدىكتىڭ ءباسپاسوز قىزمەتى. بۇل سالا ماماندارىنىڭ الاڭداتۋشىلىعىن تۋدىرۋدا. سوندىقتان دا ىزاكول اۋىلىنداعى «فاسو» شارۋا قوجالىعىنىڭ 110 گەكتار جەرىنە مەملەكەت تاراپىنان سەكسەۋىل، يزەن، كەرەۋىك پەن قاراماتاۋ جانە چاگون وسىمدىكتەرى ەگىلىپ وتىر. ماقسات ايقىن. جايىلىم جەردىڭ كولەمىن ارتتىرىپ، مال ازىعىن مولايتۋ قاجەت.

«وڭتۇستىك-باتىس» عىلىمي زەرتتەۋ ينستيتۋتىنىڭ ءبولىم مەڭگەرۋشىسى تالعات يبراگيموۆتىڭ ايتۋىنشا قازىر ناتيجە الىنعان. سەكسەۋىلدىڭ ءوزى 50-60 سم-گە دەيىن وسكەن. بۇل وسىمدىكتەر ەرتەڭ ءوسىپ، جان-جاققا جەلمەن تارايدى. ءسويتىپ، وسى ايماقتىڭ بارلىعىنا جايلايدى. ەندى وسى جولى قاردىڭ ۇستىنە قارامتاۋ مەن چاگوندى ەكپەك. 110 گەكتار جەردى قورشاپ، مال ءوتىپ كەتۋىنەن ساقتاي وتىرىپ ەگىپ وتىرماق. بۇگىندە 800 كەلى وسىمدىك ۇرىعى ساتىپ الىندى. ماماندار سەكسەۋىلدىڭ «جانسايا» سۇرپى مەن كەرەۋىكتىڭ ء«سان» ءتۇرىن وزدەرى وندىرۋگە كىرىسكەن. بۇعان جەرگىلىكتى شارۋالار قۋانىپ وتىر. وبلىس اكىمدىگى مەن جەرگىلىكتى اۋىل شارۋاشىلىعى ءبولىمى ماقۇلداعان جوبا الدىمەن ارىس جانە ورداباسى اۋداندارىندا باستاۋ العان. قازىر مىنە، وتىرار توپىراعىندا قارقىن الدى. تيىمدىلىگى جوعارى جوبانى وزگە اۋداندارعا دا ەنگىزۋ جوسپاردا بار.

Abai.kz