جەر ەمىپ، جەمىس تەرىپ وسكەن وڭتۇستىك ءوڭىردىڭ شارۋالارى ديقانشىلىقتى كاسىپ كورەدى. بيىل 420 گەكتار جەرگە ەگىلگەن ءتۇرلى جەمىستىك باۋدان ءونىم جيناعان باعبانداردار ەڭبەكتەرىنىڭ جەمىسىن كوردى.

ەرتە كوكتەمدە باۋ-باقشا اعاشتارى وتىرعىزىلا سالىسىمەن شارۋاشىلىقتىڭ جۇمىسشىلارى الما اعاشتارىن دەر كەزىندە بۇتاپ ۇلگەرۋ ءۇشىن اسىعادى. ويتكەنى دەر كەزىندە اعاشتار بۇتالماسا، ءونىم از بولادى. الما مەن المۇرتتىڭ، ورىك پەن شابدالىنىڭ ارتىق بۇتاقتارى كەسىلەدى. ەگەر بۇتاقتارى كەسىلمەسە، بارلىق ءنارى بويىنا كەتىپ قالۋى مۇمكىن ەكەن. ونىڭ ۇستىنە الاسا بويلى اعاشتاردان جەمىس جيناۋ دا ىڭعايلى. بيىل كوكتەم ەرتە شىققاندىقتان شارۋالاردىڭ جۇمىسى قاربالاس بولدى. ولار ءبىر جاعىنان ارتىق بۇتاقتاردى كەسىپ، ءبىر جاعىنان زيانكەستەرگە قارسى ءدارى-دارمەكتى شاشىپ، بوس جەرلەرگە كۇن قىزعانشا باسقا دا كوشەتتەر وتىرعىزدى. مۇنداعى شابدالىنىڭ كوشەتى سەربيادان اكەلىنگەن. وڭتۇستىكتىڭ اۋا-رايىنا ءتوزىمدى ەكەن. «بيىل شابدالىنىڭ وتىرعىزىلعانىنا ءتورتىنشى جىل. العاشقى جىلدان باستاپ-اق ءونىم بەرگەن، گەكتارىنا 10-15 توننا جەمىس الىنعان. ال 3-4 جىلدان كەيىن ءار گەكتارىنا 20-30 تونناعا دەيىن ءونىم بەرەدى. باعباندار قارقىندى باۋ وتىرعىزعانعا قۇشتار. جەمىستى مول بەرەدى، ونىمدىلىگى ەسەلەپ جوعارى. باۋ-باقشا تامشىلاتىپ سۋعارىلادى»، – دەيدى اگرونوم كارىمبەردى قۇربانباەۆ 

وڭتۇستىك الەۋمەتتىك كاسىپكەرلىك كورپاراتسياسى تاۋدىڭ بوكتەرىنە 1800 گەكتار اۋماققا الما مەن جاڭعاقتىڭ كوشەتتىڭ كوشەتتەرىن وتىرعىزدى. باعباندار بىرنەشە جىلدان كەيىن جاڭعاقتى ەكسپورتقا شىعارۋدى جوسپارلاپ وتىر. 

Abai.kz