وڭتۇستىك وڭىرلەردەگى جىلىجايلاردا قاڭتار اينىڭ سوڭى مەن اقپان ايلارىندا ەرتە پىسەتىن كوكونىستەردىڭ كوشەتتەرى وتىرعىزىلا باستايدى. وسىنداي جىلىجايلاردىڭ ءبىرى كۇنگەيدەگى ماقتاارال اۋدانىندا ورنالاسقان. كۇنتىزبە بويىنشا قىس مەزگىلى بولسا دا ەڭ الدىمەن ارنايى پلەنكالاردىڭ استىنا ءبىرىنشى بولىپ قىرىققابات وتىرعىزىلادى.

ماقتاارالدىڭ جىلىجايىندا وتىرعىزىلعان كوكونىستەر، ونىڭ ىشىندە قىرىققابات ءساۋىر ايىندا-اق العاشقى ءونىمىن بەرە باستايدى، ونىڭ ءبىرى كەلىسى 250 تەڭگە شاماسىندا بولادى. ماقسات شايداروۆ جىلىجايدا كوكونىستەر ءوسىرۋدى اكەسىنەن ۇيرەنگەن. ول جىلىجايعا قىستا كوكونىستەر وتىرعىزىپ، كوتەمدە ءونىم العان سوڭ، بىردەن قاۋىن-قاربىز ەگۋگە كىرىسەدى. ول جىلدا جاقسى الۋدان ۇسمىتتىنەدى جانە كىسىپكەردى ءۇمىتى اقتالىپ تا ءجۇر.

كوكتەم شىعا القاپتارعا وتىرعىزىلاتىن كوشەتتەردى دە ساتىپ الماي، وزدەرى جىلىجايدا ءوسىرىپ، شىعىندى ازايتۋعا تىرىساتىن كاسىپكەرلەر ءوز ىستەرىنە كوڭىلدەرى تولادى. كاسىپكەرلەردىڭ ايتۋىنشا الدىڭعى جىلى قىس قاتتى بولعاندىقتان قىرىققاباتتىڭ العاشقى ءونىمى تەك مامىر ايىندا باسقا وبلىستارعا جونەلتىلە باستادى، ال بىلتىرعى جىلى ءساۋىر ايىندا-اق العاشقى ءونىم العان كاسىپكەرلەر ءبىرشاما اۋداندى جانە سولتۇستىك وبلىستاردى ءوز ونىمدەرىمەن قامتاماسىز ەتكەنىن ايتادى. ولار بيىلعى جىلى دا كوكونىستەردەن ەرتە كوكتەمدە ءونىم الۋدى جوسپارلاپ وتىر. كاسىپكەرلەردىڭ ءبىرى يسمايل سايفاتوۆ بيىل 24 سوتتىق جەرگە بولگار بۇرىشىن وتىرعىزعان.

ول بۇرىن تەك ماقتا ەگۋمەن اينالىسسا، ەندى مىنە، كوكونىس ەگۋدى دە تابىس كوزىنە اينالدىرىپ وتىر. جىلىجايدان جاقسى ءونىم العالى سوڭعى 4-5 جىلدا ونىڭ ءوزى دە، وتباسى دا توق ەكەنىن، ەڭبەك ەتكەن ادامنىڭ قالتاسىنان قارجى ۇزىلمەيتىنىن ايتتى.

Abai.kz