كەنتاۋ قالاسىندا جىلىجاي شارۋاشىلىعى ەندى-ەندى دامىپ كەلەدى. بۇل تۋرالى «اباي اقپارات» پورتالى حابارلايدى.

كەندى ولكەگە قاراستى بايىلدىر اۋىلىندا وسى ۋاقىتقا دەيىن ەشبىر تۇرعىن بۇل كاسىپپەن اينالىسپاعان. قازىر اۋماقتا كاسىپكەرلىكپەن قوسا، ينفراقۇرىلىمداۋ ءىسى دە يكەمگە كەلىپ، ەل ەڭبەكتىڭ نانى ءتاتتى ەكەنىن ۇققان.

ەڭبەككە ەپتى، كاسىپكە مىعىم كاسىپكەرلەر جىلىجاي شارۋاشىلىعىمەن اينالىسۋدى ءوز كۇشتەرىمەن باستادى. ەندى مەملەكەتتەن ءتيىستى سۋبسيديا الۋدى ماقسات ەتىپ، ىستەرىن دوڭگەلەتۋگە بەيىمدەلىپ كەلەدى. قارا جەردەن تابىس تابۋعا بولاتىنىن تۇسىنگەن سەرىك سادىرباەۆ ەڭبەك ەتەم دەگەن ادامعا 8 سوتتىق جەر دە جەتەتىنىن ايتادى. العاشقىدا ۇيرەنبەگەن كاسىپ بولعاسىن قيىنداۋ بولدى. بيىل ءۇشىنشى رەت قيار، قىزاناق ەكتىم. باستاپقى كەزدە العان ونىمدەرىمىزگە قاناعات ەتەمىز دەيدى كاسىپكەر.

سونداي-اق نۇربەك ومىربەكوۆ تە قارا جەردەن نەسيەسىن ايىرىپ وتىر. ونىڭ جىلىجايى جەر استىندا. بۇل شارۋا جۇرتقا تاڭسىق ەكەنى راس. دەگەنمەن جەرگىلىكتى اكىمدىك كەز كەلگەن كاسىپكەرگە قولداۋ كورسەتۋگە ءازىر ەكەنىن ايتادى. ءوز ىستەرىنىڭ العاشقى جەمىسىن كورە باستاعان كاسىپكەرلەر بۇگىندە كىسىپتەرىن دامىتىپ، حالىقتى جۇمىسپەن قامتۋدى كوزدەپ وتىر. جەرگىلىكتى اكىمدىك ماماندارىنىڭ ايتۋىنشا اۋداندا وسى كاسىپتى قولعا العىسى كەلەتىن، ۇيرەنشىسى كەلەتىن ازاماتتار بار كورىنەدى.

تەك جۇرەكسىنبەي ىسكە كىرىسسە بولعانى. ال جىلىجاي كاسىبىن قولعا العان ەكى ازامات بولاشاقتا كوكونىس ەگەتىن اۋماقتى كەڭەيتىپ، جىلىجاي ءوسىرۋدىڭ جاڭا تەحنولوگيالارى مەن قىر-سىرىن مەڭگەرۋدى ماقسات ەتىپ وتىر. 

Abai.kz