تۇلكىباس اۋدانى ەجەلدەن ەگىن شارۋاشىلىعىمەن قارقىندى اينالىسىپ كەلەدى. بيىل تۇلكىباس اۋدانىندا 11400 گەكتار ماقسارى داقىلى ەگىلگەن، ونىڭ 5600 گەكتارى قازان ايىنا جەتپەي ورىلىپ قويعان. سوندىقتان كۇزگى جيىن تەرىم بىتكەنشە ماقسارى داقىلىن شاشپاي توكپەي جيناپ الامىز دەگەن ءۇمىت زور. جالپى بيىلعى اۋا رايىنىڭ ءبىرشاما جاۋىن-شاشىندى بولۋىنا بايلانىستى داقىلدار بىتىك شىعىپ، ءار گەكتارعا شاققاندا ءتۇسىم 9,2 تسەنتنەرگە اينالىپ وتىر.

سونداي-اق شارۋاعا توسەلگەن ديحاندار ەگىندى ورىپ الىسىمەن جەر جىرتۋ جۇمىستارىن قايتا جالعاستىرىپ جاتىر. ماقسارى جيناۋ، جەر جىرتۋ جۇمىستارىن “قىزىل جار” جشس-ءى، بالىقشى اۋىل وكرۋگىندەگى “نۇرتاي اتا” شارۋا قوجالىعى، ازاتتىق اۋىلىنداعى “ماقۇلبەك” جشس-ءى ناتيجەلى ەڭبەك ەتىپ، جوعارى ونىمگە قول جەتكىزگەنىن ايتا كەتۋ كەرەك. "اگروتەحنيكالىق تالاپتاردىڭ ساقتالۋى، جاڭا تەحنولوگيالاردىڭ قولدانۋى مەن مەملەكەت تاراپىنان دەر كەزىندە بەرىلگەن قولداۋلاردىڭ ارقاسىندا بيىلعى جىلى استىقتىڭ مول ءونىمىن وسىرۋگە قول جەتكىزىپ وتىرمىز" دەيدى ديقاندار. وسى ىرىلەنگەن شارۋاشىلىقتار باسقا شارۋا قوجالىقتارعا ۇلگى بولىپ، شارۋا جۇمىسىنىڭ ءتيىمدى تۇستارىن كورسەتىپ كەلەدى. “ۇيىمداسقان ۇتادى” دەگەن قاعيدانى ۇستانعان وسى شارۋاشىلىقتاردىڭ ۇتىمدى ىستەرىنە سۇيسىنگەن باسقا دا شارۋالار كەلەر جىلى بىرىگىپ، تىزە قوسىپ ەڭبەك ەتۋدى ۇيعارىپ وتىر. جالپى تۇلكىباس اۋدانىندا ارپا، بيداي ءداندى داقىلدارىنا قوسا، ماقسارى، جۇگەرى، تارى، كۇنباعىس، بۇرشاقتى داقىلدارمەن قاتار، ءتۇرلى كوكونىستەر، كارتوپ، جەمىس-جيدەك، ءجۇزىم سەكىلدى كوكونىستەر دە ەگىلەدى. ديحاندار الداعى ۋاقىتتا تۇلكىباستىڭ قۇنارلى توپىراعىن ءتيىمدى پايدالانىپ، ەگىلەتىن ونىمدەردىڭ تۇرلەرىن ءالى دە بولسا تۇرلەندىرۋ جايىن قاراستىرۋدا.

Abai.kz