جۇما, 29 ناۋرىز 2024
ەكونوميكا 5177 0 پىكىر 2 جەلتوقسان, 2016 ساعات 00:00

ولجاس قۇدايبەرگەنوۆ: «سامۇرىق-قازىنا» ترانسفورماتسياسىن ءار-ءتۇرلى تۇسىنۋگە بولادى، بىراق وزگەرىستەرى ايقىن»

ەلىمىزدىڭ ەڭ ءىرى ۇلتتىق كومپانيالارى بيزنەس ترانسفورماتسياسى كەزەڭىنەن وتۋدە. ماكروەكونوميكا ساراپشىسى ولجاس قۇدايبەرگەنوۆ (سۋرەتتە) دەپۋتاتتار مەن جۋرناليستەرگە ۇدەرىستەر بويىنشا ءوز پايىمداۋلارىن ءبىلدىردى.

«جالپى العاندا، ترانسفورماتسيا بويىنشا دا، «سامۇرىق-قازىنا» تۋرالى دا، سىن نەمەسە جاقسى نارسەلەر ايتىلۋى مۇمكىن. ءار كومپانيانىڭ ءوز قاتەلىكتەرى بولادى. سوڭعى 5-6 جىلدا وسى كومپانيالاردىڭ حال-احۋالىن جەتكىلىكتى دارەجەدە بىلەمىن، ونىڭ ىشىندە قارجىلىق جاعدايدان دا حاباردارمىن، سوندىقتان-دا، كەيبىر وزگەرىستەردىڭ كەلە جاتقانىن ايتۋىم كەرەك. ەنشىلەس قۇرىلىمدارىندا دا احۋال وزگەرۋدە، قۇرىلىمدارداعى بۋىندار سانى قىسقارتىلۋدا»، - دەيدى قۇدايبەرگەنوۆ.

«سامۇرىق-قازىنا» باسشىلىعى مالىمدەگەندەي، ترانسفورماتسيا اياسىندا قور قۇرىلىمى مەن ونىڭ ەنشىلەس كومپانيالارى تولىقتاي وزگەرتىلەدى. كورپوراتيۆتىك ورتالىقتىڭ ءوزى دە ىقشامدالا تۇسەدى، باسقارۋ دەڭگەيلەرى تورتكە دەيىن، باسقارۋشى ديرەكتورلار سانى ون التىدان توعىزعا دەيىن قىسقارتىلدى، ال كادرلىق قۇرام 40 پايىزعا جاڭارتىلدى. ال قور توبىنا كىرەتىن ۇلتتىق كومپانيالار تىگىنەن ينتەگراتسيالانعان بولۋى كەرەك، جانە باس كومپانيا مەن ءوندىرىس اراسىنداعى بارلىق ارتىق بۋىندار قىسقارتىلۋى قاجەت.

«ماسەلە بارلىق سۋبحولدينگتەر تۋرالى بولىپ تۇر، ولار «قمگ قايتا وڭدەۋ جانە ماركەتينگ»، «قازترانسگاز». «قازترانسويل» وندىرىستىك كومپانيا رەتىندە قالادى، بىراق ستراتەگيالىق فۋنكتسيالارى «قازمۇنايگاز» باس كومپانياسىنا بەرىلەتىن بولادى»، - دەپ «قازمۇنايگاز ۇك» اق باسشىسى ساۋات مىڭباەۆ جۋرناليستەرگە مالىمدەدى. سونىمەن قاتار، قىسقارتۋلار تەك اكىمشىلىك-باسقارۋشى قىزمەتكەرلەرگە عانا اسەر ەتەتىندىگىن كومپانيادا ۋادە ەتۋدە.

قوردىڭ كادرلىق ساياساتىنداعى وزگەرىستەر لاۋازىمدارعا قويىلاتىن تالاپتار مەن قىزمەتكەرلەردى ىرىكتەۋ جۇيەسىنە اسەر ەتتى. ول اناعۇرلىم اشىعىراق بولا ءتۇستى، قوردىڭ بوس ورىندارى ۆەب-سايتىندا جانە الەۋمەتتىك جەلىلەردە جاريالانادى. ولجاس قۇدايبەرگەنوۆ «سامۇرىق-قازىنا» ساراپشىلار كەڭەسىندە سويلەگەن سوزىندە جاڭا ەرەجەلەرگە باعا بەردى.

«قازاقستان - شاعىن ەل، «سامۇرىققا» جۇمىسقا ورنالاسۋ پروتسەسسى تۋرالى وتە كوپ ادامنىڭ پىكىرلەرىنە قاراپ، وڭ كوزقاراس بىلدىرگەندەردىڭ سانى تەرىس پىكىردەگىلەردەن باسىمىراق دەگەن جاناما بايلام جاساي الامىن. جالپى العاندا، ترانسفورماتسيا باعدارلاماسىنىڭ ءوزى «سامۇرىق-قازىناداعى» بارلىق وزگەرىستەرگە جاعىمدى ءۇن قوسادى»، - دەدى ساراپشى.

ەستەرىڭىزگە سالا كەتەيىك، «سامۇرىق-قازىنا» ۇلتتىق ءال-اۋقات قورىندا ترانسفورماتسيا 2014 جىلدىڭ سوڭىندا باستالدى. وسى ۋاقىت ىشىندە قور جانە ونىڭ قۇرامىنا كىرەتىن ۇلتتىق كومپانيالاردىڭ وپەراتسيالىق مودەلدەرى مەن ۇيىمدىق قۇرىلىمدارى قايتا قارالدى. ۇستىمىزدەگى جىلدىڭ قاراشا ايىندا قازاتومونەركاسىپ پەن قازپوشتانىڭ ترانسفورماتسيا جوباسىنىڭ پورتفەلدەرى ماقۇلداندى. قتج، قمگ، «سامۇرىق-ەنەرگو» جانە «KEGOC» جوبالارىنىڭ پورتفەلدەرى 2016 جىلدىڭ سوڭىنا دەيىن بەكىتىلەتىن بولادى.

«سامۇرىق-قازىنا» وكىلدەرىنىڭ ايتۋىنشا، ەلدگى ءجىو ءۇشىن ترانسفورماتسيالاۋدان كەلەتىن ساندىق جانە ساپالىق پايدانىڭ ەكونوميكالىق تيىمدىلىگى الدىن-الا باعالاۋلار بويىنشا، الداعى بەس جىلدا قارجىلىق تۇرعىدان العاندا 1 ترلن استام تەڭگەنى قۇرايدى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604