كەشە پرەزيدەنت نازارباەۆ ۇلتتىق ارنانىڭ ەفيرى ارقىلى تارالاتىن نۇرلان قويانباەۆتىڭ «تۇنگى ستۋديا» باعدارلاماسىندا قوناقتا بولدى. اتالعان باعدارلاما «كەلىن» دەيتىن ءۇندى سەريالىنان كەيىن باستالادى. الايدا، بۇل «كەلىن» كورەرمەندەردىڭ كوڭىلىن قالدىرىپ، ابدەن مەزى ەتىپ بولعان  «كەلىن» ەدى. وتكەن ءتۇنى جۇرت «كارى» «كەلىندى» امالسىزدان كورىپ،  ەلباسىن كۇتتى.

كۇتكەندەگىدەي پرەزيدەنت تە كورىندى. شوۋمەن-ازىلكەش قويانباەۆپەن قول الىسىپ، ونىڭ «قانداي تەلەباعدارلامالاردى كورەسىز؟ ارينە، «تۇنگى ستۋديادان» باسقا؟»،  - دەپ اراسىنا ءازىل قىستىرىپ قويعان ساۋالىنا:

-         مەن ناقتى مىنا باعدارلامانى كورەمىن دەسەم، ءبىرىڭدى اسىرىپ، ءبىرىڭدى كەمسىتىپ، الالاعانداي  بولارمىن، سوندىقتان ء«بارىڭدى كورەمىن» دەپ جاۋاپ قايىرعانىم دۇرىس شىعار، - دەدى.

وسى سوزدەرىنەن سوڭ پرەزيدەنت قيىن-قىستاۋ زاماننىڭ ارتتا قالعانىن، توقسانىنشى جىلدارداعى ەكونوميكالىق  داعدارىستان امان-ەسەن شىققانىمىزدى، قازىر بارشىلىق قوعامدا ءومىر ءسۇرىپ جاتقانىمىزدى ەسكە سالدى.

ءباسپاسوزدىڭ اتقارار قىزمەتى ەلگە ءتالىم-تاربيە بەرۋ ەكەندىگىن دە ەسكەرتكەن ەلباسى جاس ۇرپاق اتا-اناعا قايىرلى بولۋى كەرەك دەگەندى قاداپ ايتتى. پەنداۋي دۇنيەدە ءدىني امالدارعا كوپ جۇگىنە بەرمەيتىن  قازاق پەن ەۆرەي ءراۆيننىڭ جۇماقتا جولىققانىن، قازاقتىڭ جۇماققا قارتايعان اكە-شەشەسىن  ماپەلەپ باققان سوڭ كەلىپ قالعانىن باياندايتىن ءتامسىلدى تىلگە تيەك ەتكەن مەملەكەت باسشىسى وسى كۇنى قارتتار ۇيىنەن قارتايعان قازاقتىڭ كەمپىر-شالىن كورىپ جۇرگەنىن جانە سوعان ءىشى ۋداي اشيتىندىعىن ءبىلدىردى.

سوڭىنان ستۋدياعا جينالعان جاستارعا اق تىلەك باتا بەرىپ، ء«اۋمين» دەپ بەت سيپادى.

قويانباەۆ ءوز كەزەگىندە «قازمەديا» ورتالىعىنا ەلباسىنىڭ ۋاقىت ءبولىپ كەلگەنىنە راحمەت ايتىپ، بۇنداي ءباسپاسوز ورتالىعىنىڭ الەمدە بالاماسى جوق ەكەندىگىن جايىپ سالدى.

-         سول ءۇشىن سىزگە بارلىق ارىپتەستەرىمنىڭ  اتىنان راحمەت ايتامىن، - دەدى باعدارلامانىڭ جۇرگىزۋشىسى.

قويانباەۆقا ادەتتە بەلگىلى شوۋ-بيزنەس وكىلدەرى،  ايگىلى سپورتشىلار قوناقتا بولاتىن.  بۇل جولى وعان مەملەكەت باسشىسىنىڭ ءوزى كەلىپ قايتتى. ارينە، وسىدان كەيىن قويانباۆقا ۇلىقتار دا قوناق بولۋعا كەلىپ تۇراتىن بولار. بۇل – ءسوز جوق،  قازاقتىلدى باعدارلامانىڭ رەيتينگىن كوتەرىپ، ءدارپىن اسىرار داستۇرگە اينالارى ءسوزسىز.

ايتپاقشى، قويانباۆتىڭ كەشەگى قوناعىنان (مەملەكەت باسشىسىنان) كورەرمەن كوپ ءازىل-اڭگىمە كۇتكەن. الايدا، ويعا جۇيرىك، سوزگە ۇستا قوناق اسىعىس بولسا كەرەك، كوپ وتىرماي ستۋدياداعىلارمەن قوشتاسىپ، شىعىپ كەتتى.

Abai.kz