استانادا ءوتىپ جاتقان «تاۋەلسىزدىكتىڭ 25-جىلدىعى: ناتيجەلەر. جەتىستىكتەر. كەلەشەك كوكجيەگى» حالىقارالىق كونفەرەنتسياسى بارىسىندا ءماجىلىس توراعاسى نۇرلان نىعماتۋلين قازاقستاندىق پارلامەنتاريزمدى قالىپتاستىرۋ جولىندا ەلباسىنىڭ رولىنە توقتالدى.  

ءماجىلىس سپيكەرىنىڭ ايتۋىنشا قازاقستاننىڭ زاماناۋي پارلامەنتى الەمدىك تالاپقا سايكەس كەلە وتىرىپ، ۇلتتىق داستۇرمەن، ۇلتتىق مادەنيەتپەن، قازاقستاندىقتاردىڭ ءومىر ءسۇرۋ سالتىمەن ەرەكشەلەنەدى.  

- قازاقستان پارلامەنتاريزمىنىڭ قالىپتاسۋىندا بارلىق دەموكراتيالىق قايتا قۇرۋلاردىڭ نەگىزگى باستاماشىسى سانالاتىن مەملەكەت باسشىسىنىڭ ءرولى ايرىقشا. نۇرسۇلتان نازارباەۆ قازاقستاندىق پارلامەنتاريزم مودەلىنىڭ نەگىزىن قالاۋشى بولىپ تابىلادى،-دەپ اتاپ ءوتتى نۇرلان نىعماتۋلين.

وسى رەتتە ءماجىلىس تووراعاسى تاۋەلسىز قازاقستان تاريحىندا ورىن الاتىن كوپتەگەن ماڭىزدى شارالاردىڭ پارلامەنت قابىرعاسىندا وتكەندىگىنە نازار اۋداردى. ولاردىڭ قاتارىندا قازاقستان استاناسىن كوشىرۋ، ەلباسى ۇسىنىسى بويىنشا بۇگىنگى كۇنى كەدەندىك وداق جانە ەۋرازيالىق ەكونوميكالىق وداقتىڭ قۇرىلۋىمەن جۇزەگە اسقان  ەۋرازيالىق ينتەگراتسيا يدەيالارى بار.  

وسى جىلى قازاقستان ەاەو توراعالىق ەتۋدە.  وسىعان بايلانىستى ەلباسىنىڭ باستاماسىمەن 2016 جىل «ەاەو-نىڭ ءۇشىنشى ەلدەرمەن جانە ماڭىزدى ينتەگراتسيالىق بىرلەستىكتەرمەن ەكونوميكالىق قاتىناستاردى تەرەڭدەتۋ جىلى» دەپ جاريالاندى. 

Abai.kz