شىمكەنتتە 28 قازاندا ىسكە قوسىلعان «فرونت-وفيس» ورتالىعىنىڭ اشىلۋ سالتاناتىنا قاتىسقان وقو اكىمى ج.تۇيمەباەۆ حالىققا قىزمەت ەتۋدىڭ مۇنداي ءتيىمدى ءتاسىلىن قولداپ، وبلىستاعى بارلىق اۋداندار مەن قالالار اكىمدىكتەرىنىڭ وسىندا كەلىپ ۇيرەنىپ، تاجىريبە الماسۋ قاجەتتىگىن، وسىلاي تولىق اشىق جۇمىس ىستەپ، حالىققا قىزمەت جاساۋ كەرەكتىگىن تىلگە تيەك ەتكەن بولاتىن.

بۇگىن اتالعان ورتالىقتا ء«بىلىم جۇيەسىن اۆتوماتتاندىرۋ» تاقىرىبىندا ۇيىمداستىرىلعان شاراعا «مەكتەپىشىلىك ەلەكتروندى باقىلاۋ جۇيەسى» SCC كومپانياسى مەن «بالانى بالاباقشا مەن 1 سىنىپقا ەلەكتروندى تۇردە ورناتۋ مەن قابىلداۋ جۇيەسى» كدس ازيا كومپانياسىنىڭ جانە «مۇعالىمدەردى ەلەكتروندى تۇردە تاعايىنداۋ جۇيەسى» IT-invest group كومپانياسىنىڭ وكىلدەرى قاتىسىپ، ءوز جوبالارىن تانىستىردى.

شىمكەنت قالاسىنىڭ 2020 جىلعا دەيىنگى دامۋ تۇجىرىمداماسىنا سايكەس، قالانىڭ ءبىلىم بەرۋ مەكەمەلەرىندە مەكتەپىشىلىك ەلەكتروندى باقىلاۋ جۇيەسىن، بالاباقشا مەن مەكتەپتىڭ ءبىرىنشى سىنىبىنا بالانى ەلەكتروندى تۇردە ورناتۋ جۇيەسىن جانە مۇعالىمدەردى ەلەكتروندى تۇردە تاعايىنداۋ جۇيەسىن ەنگىزۋ ماقساتى قويىلعان بولاتىن.

مەكتەپىشىلىك ەلەكتروندى باقىلاۋ جۇيەسى وقۋشى-اتا-انا-مەكتەپتى قامتىعان ءۇش جاق اراسىنداعى بايلانىستى نىعايتىپ، وقۋشىلاردىڭ وقۋ ۇلگەرىمىنە، مەكتەپتەن تىس ۋاقىتىن باقىلاۋعا وڭ سەپتىگىن تيگىزەدى دەپ كۇتىلۋدە. بالاباقشا مەن مەكتەپتىڭ ءبىرىنشى سىنىبىنا بالانى ەلەكتروندى تۇردە ورناتۋ جۇيەسى ارقىلى، اتا-انالارعا، بارلىق مەكتەپتەر مەن مۇعالىمدەر تۋرالى ماعلۇماتتى ءبىر تىزىمدە كورۋ جانە سالىستىرۋ ارقىلى ەڭ تيىمدىلەرىنە وتىنىشتەرىن ەلەكتروندى تۇردە بەرۋگە جانە باقىلاۋعا بولادى.

سونىمەن قاتار، اتا-انالارعا بالالارىن تۇرعىلىقتى تىركەلۋ مەكەن-جايىنا تاۋەلسىز تۇردە، قالاۋىنداعى مەكتەپكە ارنايى بولىنەتىن كۆوتالىق ورىندارعا ءتۇسىرۋ مۇمكىندىگى تۋادى. ءارى، ىزدەنۋشىنىڭ تۇرعىلىقتى تىركەلگەن مەكەن-جايىنا قاراستى مەكتەپتى انىقتاۋ مۇمكىندىگى بەرىلەدى. مۇعالىمدەردى تاعايىنداۋدىڭ ەلەكتروندى جۇيەسى ارقىلى ۇمىتكەرلەر، مەكتەپتەردە پايدا بولعان بوس ورىندارعا وتىنىشتەر مەن ءتيىستى قۇجاتتارىن ەلەكتروندى تۇردە تاپسىرا الادى.

وسى ارقىلى بوس ورىنداردىڭ سانى مەن ۇمىتكەرلەردىڭ ءتىزىمى ەلەكتروندى پورتالدا جاريالاناتىن بولادى. جۇيە ارقىلى ۇمىتكەرلەردىڭ بوس ورىنعا تاعايىندالۋ كونكۋرسىنىڭ اشىقتىعى قامتاماسىز ەتىلەدى.

ەنگىزىلىپ جاتقان يننوۆاتسيالىق جۇيەلەردىڭ قولدانىلۋى، قالا اكىمدىگىنە قاراستى مەملەكەتتىك مەكەمەلەر تاراپىنان، تۇرعىندارعا مەملەكەتتىك قىزمەتتەردى كورسەتەتىن، سىبايلاس جەمقورلىقتىڭ الدىن الۋ ماقساتىندا اشىلعان «فرونت-وفيس» قىزمەتى «اشىق اكىمدىك» جوباسى بويىنشا جۇزەگە اسىرىلادى. ال «اشىق اكىمدىك» ەلباسىنىڭ «100 ناقتى قادام» ۇلت جوسپارىنىڭ 94-قادامىندا ايتىلعان «اشىق ۇكىمەتتى» وبلىستا جۇزەگە اسىرۋ جوباسى بولىپ تابىلادى.

Abai.kz