وڭتۇستىك قازاقستان وبلىسىندا كورسەتىلەتىن مەملەكەتتىك قىزمەتتەردىڭ ساپاسىن جاقسارتۋ، اكىمشىلىك كەدەرگىلەردى جويۋ بويىنشا «اشىق اكىمدىك» قىزمەتى اشىلدى.

«اشىق اكىمدىك» - ەلباسى ن.نازارباەۆتىڭ «100 ناقتى قادام» - ۇلت جوسپارىنىڭ 94 قادامىنا سايكەس، حالىققا ەسەپ بەرەتىن اشىق ۇكىمەتتى قۇرۋ ماقساتىندا جۇزەگە اسىرىلدى. وسى تاپسىرمانى جۇزەگە اسىرۋ ءۇشىن قابىلدانعان ءىس-شارالارعا سايكەس مەملەكەتتىك مەكەمەلەر ايلىق، جىلدىق ەسەپتەرىن، ءتۇرلى قۇجاتتاردى رەسمي ۆەب سايتتارىنا ورنالاستىرىپ، نەمەسە الەۋمەتتىك جەلىلەر ارقىلى حالىق نازارىنا ۇسىنۋدا. وسى ارقىلى حالىق مەكەمە جۇمىسىنا باقىلاۋ جاساپ وتىرا الادى. سونىمەن قاتار، اشىق اقپاراتتار تولىعىمەن «اشىق دەرەكتەر»، بارلىق قاۋلى جوبالارى «اشىق ءنورماتيۆتى قۇقىقتىق اكتىلەر»، ال شوعىرلاندىرىلعان بيۋدجەتتىك ەسەپتەر مەن بيۋدجەت جوبالارى «اشىق بيۋدجەت» پورتالدارىندا جاريالانۋدا. ءبىر سوزبەن ايتقاندا مەملەكەت كەز-كەلگەن اقپاراتتىڭ اشىقتىعىن جانە قولجەتىمدىلىگىن قامتاماسىز ەتۋدە.

مەملەكەتتىك قىزمەتكە كىرۋدىڭ اشىقتىعىن جانە ايقىندىعىن قامتاماسىز ەتۋ ماقساتىندا، رەسپۋبليكادا العاشقى بولىپ وبلىس اكىمى اپپاراتىندا بىرىڭعاي كونكۋرستىق كوميسسياسى قۇرىلىپ، وسى كونكۋرستار ارقىلى 73 ادام مەملەكەتتىك اكىمشىلىك لاۋازىمدارعا قابىلداندى.

بىلىكتى جاس مامانداردى مەملەكەتتىك قىزمەتكە تارتۋ ماقساتىندا وبلىسىمىزدىڭ جوعارى وقۋ ورىندارى ۇزدىك بىتىرگەن تۇلەكتەر اراسىندا ىرىكتەۋ جۇرگىزىلىپ، 50 جاس ماماننان تۇراتىن «كادرلاردىڭ التىن رەزەرۆى» جاساقتالدى.

Abai.kz