ەكىنشى دۇنيەجۇزىلىك سوعىستىڭ ارداگەرى پاۆەل ياكوۆلەۆيچ باريلچەنكو 100 جاسقا تولدى. مەرەيتوي يەسىن سولتۇستىك قازاقستان وبلىسىنىڭ اكىمى ەرىك سۇلتانوۆ قۇتتىقتادى.

ء«بىز ءسىزدى بۇگىنگى مەرەيتويىڭىزبەن قۇتتىقتاي كەلىپ وتىرعانىمىزعا قۋانىشتىمىز. ءسىز حالىق شارۋاشىلىعىن قالىپتاستىرۋدا ۇلكەن ءرول اتقاردىڭىز. سوعىستا جەڭىسكە جەتۋدە ءسىزدىڭ ۇلەسىڭىز ەرەكشە. سىزگە زور دەنساۋلىق، وتباسىڭىزعا باقىت پەن بەرەكە تىلەيمىن. بالالارىڭىز بەن نەمەرەلەرىڭىزدىڭ، شوبەرەلەرىڭىزدىڭ قۋانىشىنا بولەنىپ جۇرە بەرىڭىز»، - دەدى ءوڭىر باسشىسى.

ەكىنشى دۇنيەجۇزىلىك سوعىس پاۆەل ياكوۆلەۆيچ حاركوۆ اۆياتسيا ۋچيليششەسىندە وقىپ جۇرگەندە باستالدى. وقۋ ورنىن اياقتاعان سوڭ پاۆەل باريلچەنكو كەڭەس ارمياسىنا شاقىرىلدى. ول فاشيستىك گەرمانياعا قارسى ۇرىستاردا ورتالىق جانە بەلورۋس مايدانىندا 2-ءشى اۋە اسكەرىنىڭ قۇرامىندا بولدى. سوعىستى مايور اتاعىمەن اياقتادى.

«مەن ۋكراينانى، بەلورۋسيانى، ازات ەتۋگە قاتىسىپ، بەرلينگە جەتتىم. مەنى اۋە اسكەرىنەن شاقىرتىپ، 23-ءشى اۋە فرونتىنىڭ 2-ءشى اۋە اسكەرىنىڭ بولىمىنە باسشى ەتىپ قويدى. كراسنودارداعى پەداگوگويكالىق ينستيتۋتتى تامامداعان سوڭ مۇعالىم، ديرەكتور بولىپ قىزمەت ىستەدىم. سودان سوڭ تۋىپ-وسكەن وتانىما ورالدىم»، - دەيدى ارداگەر.

پاۆەل باريلچەنكو «قىزىل جۇلدىز» جانە «2-ءشى دارەجەلى وتان سوعىسى» وردەنىمەن، «ەرلىگى ءۇشىن»، «بەلورۋسيانى ازات ەتكەنى ءۇشىن»، «ۋكراينانى ازات ەتكەنى ءۇشىن»، «بەرليندى العانى ءۇشىن»، «گەرمانيانى جەڭگەنى ءۇشىن»، «قاجىرلى ەڭبەگى ءۇشىن» جانە «گەورگي جۋكوۆتىڭ تۋعانىنا 100 جىل» مەدالدارىمەن ماراپاتتالعان.

پەتروپاۆل قالاسىنىڭ № 21 ورتا مەكتەبى 22 جىل بويى پاۆەل ياكوۆلەۆيچتىڭ توراعالىعىمەن قالالىق، وبلىستىق، رەسپۋبليكالىق وليمپيادالاردا جۇلدەلى ورىندارعا يە بولدى.

پاۆەل ياكوۆلەۆيچ جانە جۇبايى نينا اندرەەۆنا ەكى پەرزەنت تاربيەلەپ ءوسىردى. بۇگىندە ارداگەر ءۇش نەمەرە، ەكى شوبەرە ءسۇيىپ وتىر.

Abai.kz