سەيسەنبى, 22 قازان 2019
ەكونوميكا 1038 0 پىكىر 24 قاراشا, 2016 ساعات 00:00

الماتىدا قازاق-چەح ىسكەرلەرىنىڭ بيزنەس-فورۋمى

الماتىداعى ء«ىnter ءContىnental» قوناقۇيىندە قازاق-چەح ىسكەرلەرىنىڭ بيزنەس-فورۋمى بولىپ ءوتتى. ونىڭ اشىلۋىنا الماتى قالاسىنىڭ اكىمى باۋىرجان بايبەك جانە چەحيا رەسپۋبلي­كاسىنىڭ سىرتقى ىستەر ءمينيسترى ليۋبومير زاورالەك، وسى ەلدىڭ وڭىرلىك دامۋ ءمينيسترى كارلا شلەحتوۆا، سونىمەن قاتار چەحيا ەكونوميكالىق پالا­تاسىنىڭ ۆيتسە-پرەزيدەنتى بورجيۆوي مينارج قاتىستى.

اتاپ وتەتىنى، بۇگىندە چەحيا رەسپۋب­ليكاسى ەۋروپاداعى تۇراقتى ساياساتى مەن ساۋداسى قالىپتاسقان اشىق ەكونوميكالى ەل بولىپ سانالادى. مىسالى، وتكەن جىلى چەحيا ەۋروپا قاۋىمداستىعىنداعى ەكو­نوميكاسى اسا جىلدام جانە قارقىندى دامىعاندىعىن كورسەتتى. سونىڭ بەلگىسى، بۇل ەل بىلتىر ءىجو 4,3 پايىزدى قۇراعان مەملەكەتتەر قاتارىنان تابىلدى. بۇل جوعارعى دەڭگەيدەگى كورسەتكىشتەر بيىلعى جىلى دا  ءوز قارقىنىن جويمايدى دەپ كۇتىلۋدە.

سوندىقتان دا ەكونوميكالىق فورۋم­نىڭ اشىلۋىندا ءسوز سويلەۋشىلەر ەكىجاقتى ىنتىماقتاستىقتى نىعايتۋ ماسەلەسىنە جان-جاقتى توقتالىپ، ونىڭ  فورۋم اياسىندا اشىق تا تىكەلەي ديالوگ رەتىندە ەكى مەملەكەتتىڭ كاسىپكەرلەرى اراسىندا تىعىز قارىم-قاتىناس ورناتۋدىڭ مۇمكىندىكتەرى قاراستىرىلدى. وسى ورايدا، قالا اكىمى باۋىرجان بايبەك بيزنەس-فورۋمنىڭ اشىلۋى بارىسىندا سويلەگەن سوزىندە ءبىزدىڭ شاھارىمىز چەحتار تاراپىنان ەندىگى جەردە ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ بەلسەندى وربيتىنىنە   مۇددەلىلىك تانىتاتىنىن ايتا كەلە:

– الماتى بۇگىندە ەل ەكونوميكاسىنىڭ بەس بولىگىن قامتيدى. سونداي-اق، شاھار شيكىزاتتىق ەمەس ەكونوميكاسى بار جەكە كاپيتال مەن بيزنەس قالاسى بولىپ تابى­لادى. اتاپ ايتقاندا، مۇنداعى قىزمەت كورسەتۋ مەن ساۋدا-ساتتىق اۋقىمى ءوجو-ءنىڭ 86 پايىزىن قۇرايدى. ويتكەنى، بۇل قالادا حالىقارالىق ۇيىمدار مەن ترانس­ۇلتتىق كومپانيالاردىڭ 60-تان استام وفيستەرى، سونىمەن قاتار، بانكتەر باس كەڭسەلەرىنىڭ 90 پايىزدان استامى ورنالاس­قان. بۇل رەتتە، قازاقستان الماتى بويىن­شا باعالانعاندا بۇكىلالەمدىك بانكتىڭ  رەيتينگىندە 35-ورىندى يەلەنىپ وتىر، –دەپ اتاپ ءوتتى.

وسىدان كەيىن قالا اكىمى الماتىداعى چەح كومپانيالارىن ءوز وندىرىستەرىن شەكتەمەۋگە جانە يمپورت الماستىرۋعا شاقىردى. شاھار باسشىسى «بۇل ءۇشىن بىزدە بارلىق جاع­دايلار جاسالعان جانە ينۆەستورلاردى قولداۋ بويىنشا زاڭدى تۇرعىدا كوپتەگەن كەشەندى شارالار قابىلدانعان. سونىڭ ىشىندە چەح كومپا­نيالارىنىڭ «يننوۆاتسيا­لىق تەحنولو­گيالار پاركى» ارنايى ەكونو­ميكالىق ايماعى مەن الماتى قالاسى ين­دۋستريالدىق ايماعىن دامىتۋعا قاتىسۋى ەكىجاقتى ىنتىماقتاستىقتى بەلسەندىرۋگە ايتارلىقتاي قوسىمشا قوسىلاتىن كۇش بولار ەدى»، – دەپ  اتاپ كورسەتتى.

ال ءوز كەزەگىندە چەحيالىق سىرتقى ىستەر ءمينيسترى ليۋبومير زاورالەك چەح كاسىپكەر­لەرى اراسىندا قازاقستانمەن ارىپتەستىك بايلانىستار ورناتۋعا اسا زور قىزىعۋ­شى­لىق بار ەكەنىن ايتا كەلە، وسى جولى قازاقستانعا كەلگەن  دەلە­گاتسيا قۇرامى سونى كۋالاندىراتىنىن كەلتىردى. سوعان وراي، چەحيالىق قوناق ء«بىزدىڭ ەلىمىز قازىر ەۋروپاداعى نانو-تەح­نولوگيالار سالاسىنىڭ كوشباسشى­لارىنىڭ ءبىرى بولىپ سانالادى جانە باعدارلامالىق قامتاماسىز ەتۋ سالاسى دا ءبىرشاما دامى­تىلعان. سون­دىقتان دا، ءبىز عىلىمي-زەرت­تەۋلەر بويىنشا جاقىن ۋاقىتتىڭ وزىندە-اق ۇلكەن الەۋەتتى ءىس-قيمىلدار ورنايتى­نىنا سەنىمدىمىز» دەپ، ءوز ويىن بىلدىرە كەتتى.

مىنە، سودان كەيىن فورۋمنىڭ اشىلۋى بارىسىندا ءسوز سويلەگەن چەحيا وڭىرلىك دامۋ ءمينيسترى كارلا شلەحتوۆا، ەكونو­ميكالىق پالاتانىڭ ۆيتسە-پرەزيدەنتى بورجيۆوي مينارج دا قازاقستان مەن چەحيا اراسىندا الداعى ۋاقىتتاردا تىعىز قارىم-قاتىناس ورنايتىنىنا سەنىم ءبىل­دىرىستى. ءسويتىپ، بيزنەس-فورۋم بارى­سىنداعى كەزدەسۋلەردە ەكى ەل كاسىپ­كەرلەرى ناقتى كەلىسىمدەرگە كەلۋگە قول جەتكىزدى.

abai.kz

0 پىكىر